Ekologistak Martxan taldeak antolatzen duen Ekozinemaldiaren bederatzigarren edizioa martxoaren 23tik 27ra izango da. Frackinga, petrolioa eta zor ekologikoa jorratzen duten filmak aukeratu dituzte aurtengoan. Antolatzaileek “instituzioen eta petrolio-enpresen arteko sator-lanak” salatu nahi dituzte ekimen honen bidez.
Luzemetraiak, dokumentalak eta laburmetraiak proiektatuko dira eta inoiz baino herri gehiagotara iritsiko da zinemaldia. Guztira hamabost herrietan proiektatuko dira Ekozinemaldirako aukeratutako ikus-entzunezkoak: Azpeitian, Barakaldon, Basaurin, Bilbon, Donostian, Errenterian, Gernikan, Getxon, Irunen, Iruñean, Lasarte-Orian, Leioan, Lizarran, Oiartzunen, Ordizian, Tolosan eta Trapagaranen.
Aipatzekoa da Gasland dokumentalaren bigarren zatia ikusi ahal izango dela, Gasland II. Josh Fox zuzendari amerikarraren esperientzia pertsonaletik grabatzen hasitako dokumentala da eta frackingaren inguruan mintzatzen da. Dokumentalaren lehen zatitik hona erregai-fosilak lurzorutik erausteko teknika honek AEBetan izan dituen eraginak jaso ditu Gasland II ikus-entzunezkoan Foxek.
Hemen ikusi daitezke proiektatuko diren filmen egitaraua herriz herri:
Gasland II:
Fractura, la maldición de los recursos:
Fracking Patagonia:
El caso Sarayaku:
Pueblos acorralados por el gas:
Voices of transition:
Mis desventuras con Repsol: de Ecuador a Euskal Herria:
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]