Araba eta Bizkaiko plataformez gain, EAEko mendi federazioek ere babestu dute deialdia. Antolatzaileen arabera, 2.000 lagun bildu ziren asteartean Gorbeiako tontorrean. Gasa erauzteko teknika hori debekatzeko eskatu zuten parte hartzaileek.

"Euskal gobernuarentzako egin diren azken inkestetan argi ikusten bazen ere frackingaren aurkako iritzia nabarmena dela –eta aldekoa %9 triste bat–, horrelako egunetan zerbait gehiago somatzen da", diote ekintzaileek. "Jendeak horrelakoetan frackingaren aurka mobilizatzeko prest dagoela erakusten du. Detaileak txikia badirudi ere, epe ertainean funtsezkoa izango da mobilizaziorako joera hau, zulatzaileek ez dituztelako beraien planak atzera bota. Isilpean, baina lanean darraite".

Informazio gehiago:

Mirua, Saia eta Lore: Gorbeiaren mehatxuaren izenak artikulua, Fracking Ez aldizkarian (pdf).

Niet Roken taldearen Fracking ez! kantaren bideoklipa: