Emakumeak borrokan

Frackingarekin aurrera jarraituko duen edo ez argitzeko eskatu diote Jaurlaritzari

  • Konstituzionalak frackinga mugatzen zuen EAEko legea aldarazi ondoren, Fracking Ez eta Berriztu taldeek Eusko Jaurlaritzari eskatu diote argitzeko "lurraldea zulatzeko asmoa duen edo ez".

Estitxu U. Lopez de Arkaute  |  Arabako Alea @ArabakoALEA
2018ko otsailaren 08a

Euskal Autonomia Erkidegoan fracking-a egiteko baimenak indarrean dituen erakunde bakarra Eusko Jaurlaritza da, eta are gehiago, badaude eskatuta dituen baimen batzuk eta oraindik onartu gabe daudenak. Bere garaian, hainbat enpresa pribatuk gasa lurretik ateratzeko eskatu zituzten baimen guztiak bertan behera geratu dira. Hartara, Espainiako Auzitegi Konstituzionalak fracking-a mugatzen zuen EAEko legea aldarazi ondoren, erkidegoko gobernuaren esku dago erabakitzea aurrera jarraitzen duen edo ez teknika honekin.

Hala gogoratu dute Fracking Ez eta Berriztu mugimenduek elkarrekin Gasteizen egin duten agerraldian: "Euskal Autonomia Erkidegoan  indarrean daude Enara Handia baimena, Saia baimena, eta Arabako Errioxan eta Errioxan (Espainia) dauden beste batzuk, denak dira Jaurlaritzarenak". 

Hortaz, Lakuari eskatu diote argitzeko lehenbailehen "aprobetxatu nahi duten Auzitegi Konstituzionalak egin duen aldaketa fracking-a egiteko berriro, edo erabat baztertuta dagoen, egon beharko lukeen bezala". Bide batez ohartarazi dute fracking-era itzultzeko borondatea baldin badago, "erantzuna tamainakoa izango da, indartsua".

Agerraldia Legebiltzarrean

Luis Casado mugimenduotako bozeramaileak azaldu duenez, hil honen 21ean Eusko Legebiltzarrean agerraldia egin behar dute Energiaren Euskal Erakundeko (EVE) zuzendari Iñigo Ansolak eta SHESAko zuzendari Luis Muñozek, Armentia II putzua burutzeko tramitazioaren inguruan. Batzar horretan egoera argitu daitekeela uste dute herritar plataformako kideek: "Eusko Jaurlaritzari erregai fosilen eta, kasu honetan, gasaren apustua alde batera uzteko premia helarazten diogu, indarrean dauden baimen guztiak bertan behera utziz".

Casadok gaineratu duenez, fracking-a sustatzeko sortu zen SHESA elkarte publikoa "desagertu behar da", eta EVEk "egiazko trantsizio energetikoa lortzeko lan egiten duen erakunde bat izateko eraldatu behar du", efizientzia, kontsumoa murriztea eta energia berriztagarrietan oinarritzen den eredua bultzatuz. 

Ebazpen "tamalgarria"

Halere, Espainiako Auzitegi Konstituzionalak EAEko legea aldatzea "tamalgarritzat" jo dute Berriztu eta Fracking Ez plataformek. Gogoratu dute fracking-a mugatzen zuen legea 103.589 sinadurek bultzatu zuten herri ekimen legegile batetik abiatu zela, eta  onartezina  dela "Estatuko gobernuak zulatuak izan daitezkeen eremuetako biztanleen borondatearen gainetik pasatzea".  Gainera, Casadoren esanetan, legea murriztu dute fracking-a egin nahi dutenentzako bidea erraztuz, "eta gure osasuna eta bizimodua suntsituz".

 

Albiste hau Arabako Aleak argitaratu du eta ARGIAra ekarri dugu CC by-sa lizentzia baliatuta

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Frackingaren arriskua  |  Eusko Jaurlaritza  |  Araba

Frackingaren arriskua kanaletik interesatuko zaizu...
2019-04-26 | Jon Torner Zabala
Frackingaren aurkako ekintzaileentzat, Ineos (Sky) txirrindulari taldearen jabea "deabrua" da

Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.


2019-03-25 | ARGIA
2017ko 'Pohang' lurrikara frackingak eragin zuela aitortu du Hego Koreako gobernuak

2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.


2019-03-22 | ARGIA
Fracking eta petroleo zulaketak gelditu ditu epaile batek AEBetan, klima aldaketa aipatuz lehen aldiz

AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek klima aldaketan izango zuten eragina, Democracy Now hedabideak jaso duenez.


Langileek sortzen duten aberastasunaren ia %40 enpresarien poltsikora doa

Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.


EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.


Lau ekintzaile espetxeratu dituzte Ingalaterran, frackingaren makinaria zeramaten kamioietara igo zirelako

Frackingaren aurkako lau ekintzaile espetxeratu dituzte irailaren 25ean, frackingerako lurra zulatzeko makinaria garraiatzen ari ziren kamioietara igo eta beren lana oztopatzeagatik, The Guardian egunkariak jaso duenez.


2018-06-20 | Hala Bedi
Armentia 2 putzuan Eusko Jaurlaritzak gasa ateratzeko asmoa duela eman du jakitera Berriztuk

“Eusko Jaurlaritzak dituen asmoak argi geratu zaizkigu berriz ere: euskal lurraldea putzuz betetzea, gas ez-konbentzionala ateratzeko”, salatu du Berriztu Araba!-k. Datozen asteetarako hainbat ekimen antolatu dituzte.


2018-06-19 | Arabako Alea
Subilla Gasteizko zundaketek 163 egun iraungo dute

Fracking-aren bitartez gasa ustiatzeko egitasmoaren aurkako alegazioen berri emango du bihar Berriztu Araba taldeak.


Pauso bat gehiago frackingaren alde

Espainiako Konstituzio Auzitegiak Euskal Herriko frackingaren aurkako legea baliogabetu zuen urtarrilean, eta asteazkenean gas perforazioaren Armentia 2 proiektua berrartu duela jakinarazi du Energiaren Euskal Erakundeko zuzendari Iñigo Ansolak, Eusko Legebiltzarreko batzordean.


2018-01-31 | ARGIA
Frackingaren aurkako EAEko legearen zati bat baliogabetu du Espainiako Auzitegi Konstituzionalak

Espainiako Auzitegi Konstituzionalak baliogabe utzi ditu EAEko frackingaren aurkak legearen artikulu batzuk. Espainiako Gobernuaren helegitearen ondorioa da erabakia.


Eguneraketa berriak daude