Foru Aldundiari bilera eskatu diote Gipuzkoako erresidentzietako grebalariek
Gipuzkoako erresidentzietako langileek Foru Aldundiaren atariraino eraman dute protesta, euren 257 greba egunean. Eskaera ugari egin arren Aldundiak langileekin bildu nahi ez duela salatu dute.
ELA eta LAB sindikatuek eta erresidentzietako egoiliarren senideen Gipuzkoako Senideak Elkarteak manifestazioa egin dute gaur eguerdian Donostian. 60 talde feminista eta pentsiodunak ere batu dira mobilizaziora. Hain zuzen ere, 257 egun daramatzate greban Gipuzkoako zahar-etxeetako langileek.
Gaurko protestan gogorarazi dutenez, egoerak okerrera egin du pandemian. Inoiz baino langile gutxiago dagoela salatu dute, ez direlako erizainak eta medikuak ordezkatzen. Gainera, kategoria horietako profesionalek sektorean lan egin nahi ez dutela azaldu dute. Horregatik guztiagatik Aldundiari bilera eskatu diote asteazken eguerdiko manifestazioaren amaieran. Gipuzkoa Plazan eserialdia egin dute, eta zaharren-egoitzetako sektoreak bizi duen egoera tamalgarriaren aurrean duen erantzukizuna bere gain hartzeko eskatu diote Aldundiari.
Hain zuzen ere, Aldundiak “Jarrera demokratikoari erakutsi beharrean, zahar egoitzetako lan-baldintza jasanezinak mantentzera” mugatzen dela salatu dute grebalariek. ELA eta LABeko ordezkariak Aldundiaren eraikinera sartu dira eta haien eskaera erregistratzea lortu dute.
Bestalde, Eusko Jaurlaritzak grebarako eskubidea mugatzen jarraitzen duela salatu dute, %100eko gutxieneko zerbitzuekin eta sektorea grebarako oinarrizko eskubiderik gabe utziz. Hala eta guztiz ere, ELAk azpimarratu du mobilizazioa arrakastatsua izan dela.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]