Fiskaltzak errekurritu egin du Kukutza defendatzeagatik auzipetutako 22 lagunen absoluzioa
Otsailean atera zen sententzia: Kukutzaren hutsaraztean atxilotutako 23 lagunetatik 22 absolbitu eta bat 3 urteko espetxe zigorrera kondenatu zuen epaileak, azken hori atentatu delituagatik kondenatuz. Bost hilabete geroago, fiskaltzak absoluzioa errekurritu du.
Horrez gain, irailean epaituko dituzte Kukutza eraitsi zuten egunean atxilotutako beste hemeretzi lagun. Desordena publikoak leporatuta, 18 eta 30 hilabete arteko espetxe zigorra eskatu dute bakoitzarentzat. Eta, horietako birentzat zortzi hilabete gehiago, erresistentzia egin izana leporatuta.
Kukutzarekin Elkartasuna taldeak salatu du iraileko epaiketa eta Fiskaltzaren erabakia “zentzugabekeria hutsak” direla, eta herritarrak mobilizatzera deitu ditu.
Kukutza eraitsi izanak sortutako haserreak bizirik dirauela erakutsi eta udaran elkartasun olatu bat piztu nahi dute: “Irailaren 12an Bilbon egingo dugun mobilizazioan lehertuko da olatua”.
[Albiste honen jatorrizko bertsioa Topatu.info webguneak argitaratu du eta atari horretako CC-by-sa lizentziari esker ekarri dugu ARGIAra]
2011ko irailaren 21a ez dute Bilboko Errekaldeko auzotarrek erraz ahaztuko. Munduko alkaterik onenaren saria irabazi zuen Iñaki Azkuna jeltzaleak bidalitako hondeamakin eta ertzain saldoak eraitsi zuen Euskal Herriko gune autogestionatuetako ikurretako bat. Kukutza III... [+]
Lau hilabeteko espetxe zigorra ezarri diote zigortutako gazteari. Beste pertsona bat hiru urteko espetxe zigorra jasateko arriskuan dago, Kukutzarekin Elkartasun Taldeak (KET) gogorarazi duenez.
Batere jakin gabe Bilboko Azkuna Zentroak 200 euro eman zizkion azaroaren 12 honetan Kukutza defendatzeagatik auziperatuak izan ziren lagunei.
Bilboko auzitegiak bederatzi hilabeteko kartzela zigorra ezarri die hemeretzi gazteri Kukutzaren eraisketaren aurkako manifestazioan “desordena publikoak” eragitea leporatuta. Kartzela zigorraz gain 84.000 euroko kalte ordainak ordaindu beharko dute.
Astelehenean hasi da Bilbon Kukutza defendatu zuten 19 gazteren aurkako epaiketa. “Desordena publikoa” eta “erresistentzia” leporatuta, urte eta erditik bi urte eta erdirainoko zigorrak eskatzen dizkie fiskaltzak.