Fiskaltzak atzera egin eta kale-saltzaile batentzat eskatutako zigorra apaldu du
Bi urteko kartzelaldia, 2.700 euroko isuna eta 500 euroko kalte-ordaina eskatua zuen Gipuzkoako Fiskaltzak kaleko saltzaile batentzat, baina azkenean falta arintzat jo eta 90 euroko isuna ezarri dio. Epaiketa ostegunean izan da Donostian.
90 euroko isunaz gain, 500 euroko kalte-ordaina ere ordaindu beharko du Mbaye Fall senegaldarrak. Mbolo Moy Doole eta SOS Arrazakeria elkarteek salatu dute kalte-ordaina ez datorrela bat Fallek saldu zuenarekin, eta horregatik uko egiteko eskaera egin dute.
Jarrera aldaketa
Arturo Hernandez, Mbaye Fallen abokatuak, adierazi du fiskaltzak hasieran “gogorregi” jo zuela kaleko saltzailearen kontra, baina onerako jarrera aldaketa antzematen duela azkenaldian: “Ez dira hain zorrotzak. Beste begi batzuekin begiratzen dituzte halakoak. Legedia ere askoz hobea da. Aldaketa berandu, baina iristen ari da”.
Kale-saltzaile senegaldarra 2009an atxilotu zuten Zarautzen, 118 CD eta 45 DVD gainean zeramatzala. Fiskaltzak jabetza intelektualaren kontrako delitua leporatu, eta zigorrik handiena eskatu zuen.
Gipuzkoako Fiskaltzak hainbat salaketa eta kritikak jaso ditu, jabetza intelektualaren kontrako delituei dagokionez Espainiako Estatuko zorrotzenetarikoa izateagatik.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Apirilaren 18an, Mbolo Moye Doole elkarteak elkarretaratzea deitu zuen, Bilboko manteroen aurkako arrazakeria eta indarkeria poliziala salatzeko.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]