Gipuzkoako Fiskaltzak ez du 2010eko Zigor Kodeko aldaketa aintzat hartu eta delitu bezala interpretatu du egun falta baino ez dena. Arrazakeriaren kontrako elkarteek saltzaile ibiltari batentzat eskatutako zigorra “neurriz eta legez kanpokoa dela” salatu dute.
2 urteko kartzela zigorra, kanporatzea, 2.700 euroko isuna eta beste 500 euroko kalte-ordainketa SGAE eta egile-eskubideen beste enpresentzat. Hori da Gipuzkoako Fiskaltzak eskatu duen zigorra Mbay saltzaile ibiltariarentzat, 118 CD eta 45 DVD kalean salmentan jartzeagatik.
2010ean Zigor Kodeko 270. artikulua aldatu zutenetik kaleko salmenta falta bezala interpretatzen da, eta ez delitu bezala. Irabaziak 400 eurotik beherakoak direnean isuna edo uneoro aurkitzeko moduan egotea ezartzen da zigor bezala.
Fiskaltzaren ustez mozkina ez da saltzaileak irabazi duena edo konfiskatu zaionaren balioa, produktu originalek merkatuan duten salmenta-prezioaren araberakoa baizik. 4.000 eurotan zenbatu dituzte irabaziak, eta horrela Mbayena delitu bihurtu dute, 400 euroko muga gainditzen duelako. “Horregatik eskatzen dute zigor hori”, adierazi du SOS Arrazakeriako Patxi de la Fuentek.
Mbay irailaren 25ean epaituko dute Donostian, eta ebazpenak ondorio larriak ekar ditzake: “Kartzelaz gain, aurrekari penalekin geratu daitezke pertsona hauek. Horrek lan egitea galarazten die eta, ondorioz, paperik gabe bizitzera zigortzen ditu. Bizirauteko ezin dute beste lanik egin horiek baino”, azaldu du De la Fuentek.
SOS Arrazakeriak eta Paperik Gabeko Mbolo Moy Doole Plataformak Gipuzkoako Fiskaltzaren jarrera salatu dute, eta Espainiako Kongresua tramitatzen ari den Zigor Kodearen erreforma berriari “aurreratu” zaiola diote. Honek kaleko salmenta delitutzat hartuko du berriz.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]
Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]
Donostiako Egia auzoan, azken hilabeteetan, bizilagunen artean segurtasunaren inguruko kezka handitu da, eta “beldur eta urduritasunak duen garrantzia aitortu eta sentimendu horiei lekua” egin behar zaiela aldarrikatu dute.