Finlandia, NATOn sartzetik gertu
Badirudi Turkiak behin betiko baimenduko duela Finlandia NATOren parte izatea, "PKK-ren eta bere adarren aurkako borrokari" lotuta, Turkiak jarritako baldintzak bete dituela iritzita. Suediari, ordea, oraindik ez dio atea erabat ireki: 120 "terrorista" estraditatu ditzala exijitu dio berriz.
aurre egingo dieten hedabide independenteak
Esan eta egin, eta jaso eta eman. NATOk udan sinatu zuen Finlandia eta Suedia Aliantza Atlantikoaren parte izateko protokoloa, eta Turkiak ulertzera eman zuen bi estatuen sarrera onartuko zuela, baldin eta "terrorismoaren kontrako borrokan" hainbat konpromiso hartzen bazituzten. Zehazki, Kurdistango Langileen Alderdiko (PKK) eta Herri Babeserako Unitateetako (YPG) kideen aurkako jardunean "guztiz kooperatzeko" betebeharra jarri zien Turkiak Finlandiari eta Suediari; besteak beste, "terroristatzat" jotzen dituen hainbat eta hainbat kurdu estraditatuta. Baldintza horiek betetzea onartu zuten bi herrialde eskandinaviarrek, Turkiak euren aurkako betoa atzera botatzearen truke.
Ia bederatzi hilabeteko prozesu baten ostean, badirudi Turkiak behin betiko zabalduko diola atea Finlandiari, NATOn sar dadin. Turkiako presidente Recep Tayyip Erdoganek aurreko astean baieztatu zuen: Finlandiak NATOren parte izateko aurkeztutako hautagaitzaren berreste-prozesuari ekingo dio Turkiako Parlamentuak. Finlandiak bete egin ditu "PKK-ren eta bere adarren aurkako borrokari" dagokionez Turkiak jarritako baldintzak; edo hala baloratu du gobernuak.
Hungaria da, Turkiarekin batera, Finlandiaren aurkako beto bat mantendu duen estatu bakarra, baina Hungariako Parlamentuak ere hilaren 27an izapidetuko du Finlandiaren integrazioa.
Suediaren aurkako betoa, indarrean
Suediarekin, baina, oraingoz ez du jarrera berdina erakutsi Turkiak. Oraindik ez du bertan behera utzi Suediaren aurkako betoa, Erdoganen esanetan, ez baitu hitzemandakoa bete. "Ez gaude Suediaren kontra, baina Suediak beso zabalik hartu ditu terroristak eta kaleak ireki dizkie. Esan nion Suediako lehen ministroari 120 terrorista bidaltzeko. Ez dizkigutenez eman, ezin dugu haienganako jarrera positibo bat eduki", adierazi du berriki presidenteak.
Gainera, urtarrilean, hautsak harrotu zituen bi gertakari izan ziren Suedian: batetik, Stockholmen egindako protesta batean, Erdogan urkatzen ari zirela antzeztu zuten hainbat manifestarik; bestetik, faxista batek Korana erre zuen Turkiak Suedian duen enbaxadaren aurrean. Turkian Suediaren kontrako mobilizazioak piztu zituen horrek.
Finlandiak eta Suediak duela urtebete baino gehiago jarri zuten mahai gainean NATOko kide bihurtzea, eta maiatzean aurkeztu zituzten eskaerak, elkarrekin. Dena den, kide berrien sarrerari betoa jartzeko aukera daukate Aliantza Atlantikoa osatzen duten 29 estatuek, eta horixe egin zuen Turkiak, bi herrialde eskandinaviarrek PKK-ri eta YPG-ri babesa ematen dietela argudiatuta.
Suedia eta Finlandia integratuta, Itsaso Baltikoaren "estaldura ia osoa" lortuko luke NATOk, Errusia inguratzeko aukera zabalduz, besteak beste.
Hemeretzi errusiar dronek Poloniako muga zeharkatu dute, eta Poloniak leherrarazi egin ditu. Poloniako aire eremuari “inoiz egindako erasorik handiena” dela dio armadak.
Europako ongizate estatuak munduan zehar izugarrizko miresmena izan du herritar xeheen artean, ez hainbeste enpresari eta agintarien gehiengoan. Izan ere, miresmen hori areagotu egiten zitzaigun iparraldeko herrialdeetatik pasatzen baginen, izan lan bat egin behar bazenuen edo... [+]
Hagan ekainaren 25ean NATOk egindako goi-bileran, gastu militarra herrialde bakoitzaren BPGaren %5 izateko konpromisoa hartu dute Aliantza Atlantikoko Itunaren Erakundeko kide diren estatuek. Horretarako hamar urteko epea izango dute, 2035 arte. Erabaki horrekin, 2014an... [+]
Duela astebete Hagan egindako NATOren goi bilera historia handian gogoratu beharko da –batez ere egitasmoa egikaritzen bada– “BPGaren ehuneko 5aren bilkura” izan delako.
Asteazkenean, NATOren goi-bilera hastearekin, aliantzak herrialdeei inposaturiko gastu militarraren aurkako mobilizazioak izan dira Hego Euskal Herriko hiriburuetan. Ostegunean eta ostiralean Iranen eta Palestinaren aurkako gerrak salatuko dituzte.
Hamar urteko epea dute NATOko estatu-kideek helburu hori lortzeko. Espainiak ere sinatu du akordioa, baina, aldi berean, Mark Rutte aliantza atlantikoko idazkari nagusiaren gutun bat eskuratu du Pedro Sánchezek, ustez "malgutasuna" emango liokeena. Donald Trumpek... [+]
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Espainiako Gobernuak urte amaierarako Defentsara bideratuko duen gastua Barne Produktu Gordinaren %2 izango da: 33.123 milioi euro. Sánchezek adierazi du erabaki horrek "Espainiaren segurtasuna bermatzea" eta armadaren baliabideak "modernizatzea" dutela xede.
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Hainbat eragilek deituta, NATOren aurkako elkarretaratzea egin da Iruñeko Udaletxearen aurrean. Izan ere, gaur, martxoak 12, 39 urte bete dira Hego Euskal Herriak, Espainiar Estatua NATOn sartzeko erreferendumari ezezkoa eman ziola. Askapenako kide batek adierazi du, gaurko... [+]
1986. urtean Espainiako Estatuak NATOn jarraitzearen aurkako botoa eman zuen euskal gizarteak. Denborak ematen duen perspektibak oraindik ez du azaldu zeintzuk izan ziren gizartearen arrazoi sakonak gerra erakundean parte hartzeari uko egiteko.
Felipe Gonzálezen... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
