Espainiako Gobernuaren azken lege aldaketatik (LOMLOE) eratorritako curriculumek filosofia ikasgaiari garrantzia kendu nahi diotela salatu dute Agora Filosofia Elkarteak, Bigarren Hezkuntzako filosofiako zenbait irakaslek eta zientziaren, kazetaritzaren, artearen eta beste diziplina batzuetako hainbat eragilek.
Balio Etikoak ikasgaia DBHko 3 mailetatik kendu, Batxilergoko Filosofia eta Filosofiaren Historia ikasgaiei orduak murriztu, DBH4ko Filosofia hautazkoa ezabatu eta Batxilergotik Psikologia hautazko ikasgaia kenduko du LOMLOEk. Hala, "hausnarketa kritikoaren garapena, eta, orokorrean, filosofiari lotutako balioak" kaltetuko dituztela azpimarratu dute Donostian ostiralean elkartu diren eragileek.
Lehen Hezkuntza osoan pentsamendu konplexua eta hausnarketa gaitasunak garatzera bideratutako curriculum-atala bermatzeko, edota, orain arte bezala, DBH 4. mailako Filosofia ikasgaia hautazkoen zerrendan mantentzeko eskatu dute. Inklusibitatea landuz, Ikasleak eta horien osasuna eta autonomia integrala erdian jartzea hobesten dute Agora elkarteko kideek.
Eskumen autonomikoak erabiltzeko deia
Murrizketei aurre egiteko, Agorak gogorarazi dio Eusko Jaurlaritzari, LOMLOE legearen araberako curriculumaren %50 proposatzea dagokiola. "Jaurlaritzak eskumena du Filosofia, Balio Etikoak eta Psikologia ikasgaiak duindu eta bere neurrira ekartzeko", adierazi dute. Eta bide horretan, elkarlanean aritzeko prestutasun osoa erakutsi dute.
Pasa den urtarrilean, Yuk Hui filosofoak hitzaldi bat eskaini zuen –solasaldi bat, hobeto esanda– Donostiako Tabakaleran. Azken urteotan oihartzun handia izan du haren lanak, eta goraino bete zen aretoa. Besteak beste, monoteknologismoaren pentsamendu-ildoa kritikatu... [+]
Gorputzaren gaiak pisua hartu du egungo diskurtsoetan, era askotara agertzen zaigu. Hala ere, eztabaida berri samarrak dira: beste garai batzuekin alderatuta, gorputza nahiko baztertua egon da Mendebaldeko pentsamenduaren historian.
Niri, egia esan, lagungarria egiten zaizkit... [+]
Aurten 60 urte bete dira Hannah Arendtek Eichmann Jerusalemen liburua kaleratu zuenetik. Urte bat gehiago pasatu da Adolf Eichmann funtzionario nazia, Holokaustoaren "arduradun logistikoa", Israelen urkatu zutenetik. Eichmannen epaiketaren jarraipen... [+]