Filipinek "gerra mehatxua" egin diote Kanadari, herrialdera esportatutako zaborragatik

  • Kanadatik Filipinetara 2013an bidalitako 50 hondakin kontainerrek itzali ez den sute diplomatikoa piztu dute bi herrialdeen artean. Rodrigo Duterte presidente filipinarrak Kanadari gerra deklaratzeko mehatxua egin du zabor-edukiontziak herrialdetik eramaten ez badituzte.


2019ko apirilaren 24an - 12:07
Zaborrez beteriko 50 kontainerrak duela sei urte iritsi ziren Filipinetara eta auziak hautsak harrotu ditu (argazkia: Ban Toxics).

“Gerra deklaratuko diet. Kontainerrak kargatuko ditugu barku batean eta Kanadari esango diot beren zaborra bidean dagoela, harrera handi bat presta dezaten edo zabor hori jan dezaten hala nahi badute”, adierazi du bere adierazpen eta neurri polemikoengatik ezaguna egin den Dutertek.

Zaborraren gatazka honek Filipinen protesta diplomatiko ugari eragin ditu, Kanadako gobernuak hasieran uko egin ziolako hondakin horien inguruan ezer egiteari, bidalketaren ardura eragile pribatuei egotziz.

Duterteren adierazpen gogorren ondoren, Kanadak Manilan duen enbaxadoreak esan du “talde tekniko” bat sortuko dutela, bi herrialdeetako ordezkariek osatua, hondakin horiek suntsitzeko.

Herrialde aberatsetatik pobreetara zaborrak “esportatzea” ez da ezohiko praktika eta horregatik erregulazio-neurriak hartzeko premia handitzen ari da. Kanadak, adibidez, 2016an moldatu zuen bere legedia, “hondakin arriskutsuen” bidalketak debekatzeko. Enbaxadak gogora ekarri duenez, ebazpen judizial bat dago, hondakinak inportatzen dituen enpresari agintzen diona zaborrak Kanadara bueltan bidaltzeko.

Duela sei urte konfiskatu zituzten Filipinetako aduanetako langileek ika-mika eragin duten 50 kontainerrak. Inork erreklamatu ez zituenez, portuetan usteltzen geratu ziren hasieran; gero berriz, Filipinen iparraldean dagoen Tarlac-eko zabortegira bidali zituzten, Kanadarekin auzia konpondu bitartean.


Irakurrienak
Matomo erabiliz
#2
#3
Onintza Irureta Azkune
#4
Mikel Berasaluze Faivre
#5
Gasteizkoak talde antimilitarista
Azoka
Kanal honetatik interesatuko zaizu: Hondakinen kudeaketa
2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


Espainiako Estatuan inoiz baino ur gehiago botilaratu da, eta behera egin du Hego Euskal Herrian

2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.


Plastiko-fabrikatzaileek iruzur egin dutela erakusten du txosten batek

Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.


Zaldibarko zabortegiaren hondamendia gogoratu dute laugarren urteurrenean

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.


Eguneraketa berriak daude