Ezkabatik 1938an ihes egindako presoen gorpuak aurkitu dituzte Burutuaingo hobi batean
Datozen egunotan aterako dituzte hobitik gorpuzkinak; oraindik ez dakite zenbat lagunenak diren.
Hobietatik Gorpuzkinak ateratzeko Nafarroako Gobernuaren programaren barruan, Aranzadi Zientzia Elkarteak astearte goizean hasi ditu Burutuaingo Kontseiluko (Anue) hobi bat aztertu eta han lurperatutako lagun talde baten gorpuzkinak aurkitzeko lanak.
Garai hartan haurra zen eta gertakarien lekuko izan zen pertsona baten jarraibideei esker aurkitu da iheslari haiek lurperatu zituzten leku zehatza. Gobernuak azpimarratu du oso garrantzitsua dela antzerako gertakariak bizi izan zituztenek beren lekukotzak jakinaraztea, beste hobi batzuk aurkitu eta familiei erantzuna eman ahal izateko.
Datozen egunotan aterako dituzte gorpuzkinak; oraindik ez dakite zenbat lagunenak diren, baina Ezkaba mendiko espetxetik 1938an ihes egin ondoren erail zituzten lagunenak direla bai. Vianako Printzea Erakundeko Ondare Zerbitzuaren baimena du esku-hartze horrek.
Nafarroako Gobernuak memoria historikoaren arloan bultzatzen dituen ekintzen barruan kokatu du arduera: 1936ko errepresioaren biktimen senitartekoen egia jakiteko, justiziarako eta ordaina jasotzeko erreklamazioei erantzuna emateko helburuz.
Artikulu hau Euskalerria Irratiak argitaratu du eta ARGIAra ekarri dugu bere CC-by-Sa lizentziari esker.
1936ko udazkenean Hernanin eta Oiartzunen frankistek egindako zientoka hilketen arduradun nagusiena izan zen Ramiro Llamas komandante eta epailea. Hilabete gutxira jendaurrean publikoki adierazi zuen fusilatze horien inguruan pentsatzen zuena; diskurtso beldurgarri hori oso... [+]
Oraindik ere 36ko Gerraren memoriak sarri jasotzen ditu haginkadak orduko borreroen oinordekoen aldetik. Azken horietako bat Eulateko Felix Goyaren monolitoak jasandakoa da. 1936an atxilotu eta hil zuten frankistek 51 urterekin, eta oraintsu hiltzaileen ondorengoek berriz egin... [+]
Ahaztuen Oroimena 1936 elkarteak eman du argitara Munitibar 1937/04/26: Aire-eraso baten kronika liburua eta igandean aurkeztuko dute jendaurrean. 1937ko apirilaren 26an Kondor Legioak Munitibarren aterpetuta zeuden herritarrei eraso egin zien. Egun bereko arratsaldean, Gernikan... [+]
Genetikoki identifikatu ondoren, Eusko Jaurlaritzak 1937ko udaberrian hildako sei errepublikarren gorpuzkiak itzuliko dizkie beren senideei, Bilboko Gogora institutuaren egoitzan larunbatean egingo duten ekitaldian.
Larunbatean Hernaniko Udalak beharrezkoa den oroimen ekitaldia egingo du herriko hilerrian 1936an frankistek hildako 200 lagunak gogoratzeko. Baina zeintzuk izan ziren krimen horien arduradunak? Zeinek sustatu eta agindu zituen fusilatzeak? Komeni da izen horiek ere ez ahaztea.