“Ez genuen uste egin zitekeenik, egun batetik bestera haurreskola itxi eta 12 familia alternatibarik gabe utzi”
Eskualdean, euskarazko haurreskola bakarra da Ziburuko Luma. 12 ume hartzen zituen, harik eta astelehen batez bat-batean guraso eta senideek haurreskola itxita aurkitu duten arte. Luma Elkarteko Administrazio Kontseiluaren erabakia “lekuz kanpokoa” eta “harrigarria” dela diote gurasoek: otsailaren 6tik kontziliatu ahal izateko ezinean dabiltza, baina baita ekinean ere, elkarte berri baten pean haurreskola berriz irekitzeko.
“Gurasook oso pozik geunden, bai haurreskolaren martxarekin, bai bertako hiru langileekin. Ordutegiari, gestioari… lotutako galdera batzuk eginak genizkion Luma kudeatzen duen Administrazio Kontseiluari. Eguberritan, gutun bidez Kontseiluak jakinarazi zigun martxoaren 28an haurreskola itxiko zutela, langileekin arazoak argudiatuz. Erabaki genuen beste elkarte bat sortzea, haurreskola bere gain hartuko zuena, baina prozesua gauzatzeko denbora emango zigutela esan arren, egun batetik bestera eta ezer adierazi gabe Kontseiluko hiru kide agertu ziren haurreskolan eta langileak kanporatu zituzten, haurrak eskola barruan zeudela”, kontatu digu Oier Imaz gurasoetako batek. “Esperpentikoa eta surrealista izan da”.
“Pertsonalki, ezintasuna eta erronka suposatu du egoera berriak”
Gestio kontuei lotutako afera izanik, lekuz kanpokoa iruditu zaie gurasoei Administrazio Kontseiluaren erreakzioa, eta ez dute ulertzen erabakia. “Ez genuen uste hori egin zitekeenik, zerbitzu publiko bat, oinarrizko behar bat, modu horretan eten eta 12 familia aukerarik gabe utzi. Gaur da eguna, biltzeko behin baino gehiagotan eskatu diogun arren, Kontseiluarengandik erabakiari buruzko inongo argibiderik jaso ez duguna”, kritikatu du Imazek, eta gurasoen ezinegona azpimarratu du. “Pertsonalki, ezintasuna eta erronka suposatu du egoera berriak: bikotekideak eta biok lana egiten dugu, eta senide eta lagunengana jo behar izan dugu. Gurasoon artean antolatu gara; ordutegien arabera batzuetan guk hartzen ditugu besteen umeak, eta alderantziz”.
Udalaren aldeko jarrerarekin, itxaropentsu
Euskarazko eskaintza duen inguruko haurreskola bakarra mantentzeko konpromisoari tinko eusten diote gurasoek, eta Ttipi Ttapa elkartea osatzeari ekin diote dagoeneko. Haurreskolak kontzertatu gisa funtzionatzen zuen, Udalaren finantzaketa eta lokalekin, eta CAF eta PMI instituzio publikoen eta Udalaren jarrera eraikitzailea azpimarratu du Imazek: horregatik, elkarte berriarekin Udalak baldintza berdinak mantentzea eta haurreskolari segida ematea da gurasoen asmoa; ikastetxearen ateak berriz irekitzeko itxaropena dute beraz. Bitartean, “inprobisatzen jarraituko dugu”, kontziliazioa posible egiteko.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]