Eusko Legebiltzarrerako hauteskundeak, uztailaren 12 edo 19an?
Iñigo Urkullu Eusko Jaurlaritzako lehendakariak Legebiltzarreko ordezkari politikoekin egin du bilera, eta hauteskundeak egiteko aurkeztu dituen bi eszenatokiez mintzatu dira: uztaila edo iraila-urria. Lehendakariak uztailean egiteko erabakia dagoeneko hartua duela uste du oposizioak, eta alarma egoeran hauteskundeak deituz gero auzitara joko duela iragarri du Liga Foralistak.
Hiru dokumentu aurkeztu dizkie alderdiei lehendakariak: Osasun Sailaren txostena, txosten juridikoa eta hauteskundeak egiteko hartu beharko liratekeen segurtasun neurriei buruzkoa. Aurreikuspena datozen hilabeteetan pandemia murriztea dela eta hauteskundeak uztailean egiteko aukera dagoela adierazi du Josu Erkoreka Jaurlaritzaren bozeramaileak, bileraren ostean. Uztailaren 12a eta 19a izan daitezke data posibleak, eta bozeramaileak azpimarratu du orain dela unea uztailean hauteskundeak egitea aztertzeko, pandemiaren bilakaerak atzera egingo balu, aukera alternatiboa litzatekeelako iraila-urrian egitea. Legealdia urriaren 25ean amaituko da.
Pandemia kontrolatzeko bermea, botoa eskubidea duen herritar orok eman ahal izateko bermea, eta kanpainaren eta hauteskunde-egunaren segurtasuna bermatuko dituen plana jarri ditu baldintza gisa lehendakariak, hauteskundeak aurrera ateratzeko.
Eusko Jaurlaritzaren helburua Legebiltzarra lehenbailehen eratzea dela argi utzi du Erkorekak, baina gaineratu du lehendakariak alderdien iritzia entzun duela eta orain erabakia hartuko duela.
“Eszenifikazio hutsa”
Uztailean hauteskundeak egitearen kontra daude alderdi gehienak. Bilera “eszenifikazio hutsa” izan dela adierazi du Arnaldo Otegik (EH Bildu), erabakia hartuta dagoela dagoeneko. EH Bildu uztailean hauteskundeak egitearen kontra dago: “Arduragabekeria izugarria da, jendea ez baita hauteskundeetan pentsatzen ari”. Miren Gorrotxategirentzat (Elkarrekin Podemos) ere, “ez da hauteskundeei buruz eztabaidatzeko unea”. Bozak uztailean egingo diren zalantzarik ez du Carlos Iturgaizek (PP-Ciudadanos) eta EAJrekin batera gobernatzen duen PSE-EEko idazkari nagusi Idoia Mendiak adierazi du hauteskundeak “berme sanitario eta demokratiko guztiekin” egitearen alde dagoela.
Auzitara
Liga Foralista alderdiak adierazi du hauteskundeak alarma egoeran gauden bitartean deitzen badira, auzitara joko duela, ezinezkoa iritzi diolako ez kanpaina ez hauteskunde eguna normaltasunez eta behar diren bermeekin egitea.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.