Eusko Legebiltzarrak onartutako Fracking Ez legeari helegitea jarri dio Espainiako Gobernuak Auzitegi Konstituzionalean. Fracking ez plataformak horren arriskuez ohartarazi du.
Francking ez taldeak “herri borondatearen eta subiranotasunaren iruzurtzat” jo du helegitea. 100.000 sinadura baino gehiagoren babesa izan zuen Herri Ekimen Legegilea du oinarri Fracking-aren aurkako legeak, eta Eusko Legebiltzarraren gehiengoak babestu zuen, elkarteak adierazi duenez.
Espainiako Gobernuaren helegitea Konstituzionalak tramitera onartzen badu, bertan behera utz dezake behin behinean. “Horrek bidea irekiko lioke frackingari Gipuzkoa, Bizkai eta Araban”, ohartarazi du Frackingaren aurkako taldeak. Aitzitik, hurrengo hilabeteetan epaitegiak erabakirik hartu ezean, berriz ere indarrean jarriko litzateke.
Gauzak horrela, “ekintza plan bat” eskatu dio frackingaren aurkako taldeak Eusko Jaurlaritzari: “Hidrocarburos de Euskadiri eskatu behar dio dituen proiektuak bertan behera uzteko, baimen horiek mantentzea eta onartutako legea bateraezinak dira-eta”.
Era berean, “koherentzia” eskatu diote EAJri: “Ehunka proiektu eta enpresa atzera egiten ari dira, eta erabat tamalgarria da zulatzaileen esperantza bakarra momentu honetan Eusko Jaurlaritzak SHESAri ematen dion finantzazio publikoa izatea”.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]