'Euskaraz bizi nahi dut' film laburren lehiaketa Zinemaldian
Donostiako Zinemaldiak eta Kontseiluak “Euskaraz bizi nahi dut” film laburren edizio berria aurkeztu dute. Hizkuntza zinematografikoaren bitartez euskaraz bizitzearen nahia irudikatzea da lehiaketaren helburua.
Kontseilua sustatzen ari den Euskaraz bizi nahi dut dinamikaren baitan kokatu zuen lehiaketa bertako idazkari nagusi Paul Bilbaok. Helburua euskaraz bizitzearen ideia zabaltzen jarraitzea dela adierazi du, “geroz eta jende gehiagok euskaraz bizitzeko hautua egin dezan”.
Zinemaldiko zuzendari Jose Luis Rebordinosek adierazi du eremu guztietan euskararen erabilera eta normalizazioa sustatzeko garrantzitsua dela halako ekimenak bultzatzea. Gaineratu du gero eta jende gehiagok ikusten duela zinema euskaraz eta dinamika hori sustatzen jarraitu beharra dagoela.
Sari eta atal berriak
Berrikuntza gisa, aurtengo edizioan bi sari gehiago izango dira eta bi atal bereiziko dira, profesionalena eta amaterurrena. Profesionalen atalean 3.500 euro arteko sariak izango dira eta amateurrenean 1.750 euro artekoak. Egilearen esku dago bere lana atal batera edo bestera aurkeztea, baina denek oinarrian euskaraz bizitzeko nahia erakutsi behar dutela azaldu du Bilbaok.
Lehiaketaren oinarriei buruzko informazio gehiago euskarabizinahidut.org webgunean aurkitu daiteke. Lanak entregatzeko epea irailaren 8an amaituko da.
Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Hirugarren urtez Xiberoako ikastolei bultzada emanen die Tulalaika bestak.
Euskal komunitateari egindako ekarpena aitortzen dion saria jaso du Garabideren lehendakari den soziolinguista arabarrak.