Euskararen alorrak inoizko datu kaskarrenak eskuratu ditu 2015eko diagnostikoan. Emaitzek EAEko Lehen Hezkuntzako 4.mailako eta DBHko 2.eko ikasleei aldiro egiten dizkieten probak dituzte oinarri. Ebaluazio emaitza orokorrek ere okerrera egin dute.
10 urte duten ikasleen %36 ez da euskarazko gutxieneko mailara heltzen; 14 urte dutenen artean, %46 dago egoera horretan. Bestalde, gaztelanian, ingelesean eta matematikan ere kaskartu egin dira ebaluazio emaitzak.
Eusko Jaurlaritzako Hezkuntza sailburu Cristina Uriartek astelehenean aurkeztu zituen ebaluazio emaitzak. Azaldu du emaitzen eboluzioa “espero zena” ez izan arren, “joera egonkorra” dela, gorabeherak 10 punturen barruan daudelako. “Estatistika aldetik, arrazoizko gorabeherak dira”, gaineratu du.
Ikasleen indize sozioekonomikoak eta kulturalak eragina dute datuetan; zenbat eta indize handiagoa, emaitza hobeak lortzen dira. Azken urteetan behera egin dute, batik bat D ereduko ikasleen artean.
Etxean euskara darabilen ikasle kopuruak behera egin du eta horrek eragina izan du diagnostikoan. Uriartek kezka adierazi du egoera horren aurrean eta gogorarazi du D ereduak ez duela bermatzen ikaslearen hizkuntza gaitasuna. Euskararen “didaktikari” lotuta, aldaketa beharra ikusten du sailburuak.
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Egitarau aberatsa muntatu du beste behin Basaizea elkarteak: bertsolariak, dantzariak, gaiteroak, txarangak, herri bazkaria, merkatua eta kontzertuak. "Folklorismotik haratago", euskararen zilegitasuna aldarrikatuko dute Baigorritik apirilaren 28an.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]