Euskaraz Bizi Eguna ospatu zuten Gasteizen larunbatean Euskal Herrian Euskarazek antolatuta. 400 lagun bildu zituen bazkari herrikoia amaitzean abiatu zen manifestazioa, eta iluntze partean kontzertua eskaini zuten Dantza Plaza, Gose eta Tximeleta taldeek Landatxon. Antolatzaileen arabera orotara milaka lagun bildu ziren.
"Erdaldunekin topo egitean, espaloitik jaitsi eta erdaren errepidera egiten dugu salto”, azaldu dute EHEko kideek, kanpainaren zioak hizpide. “Euskaldunok urrats bat egiteko ardura dugu”, gaineratu dute. “Lehen aldaketa norbanakootan hasten da. Gugan dugu lehen giltza: maila sozialean aldaketak bultzatu eta maila politiko eta juridikoan bestelako aldaketak eragiteko, herritarrok gara eragile nagusia, euskaldunok pairatutako bazterketa iraultzeko giltzarria”.
Argazki galeria EHEren eskutik.
