ARGIA.eus

2022ko abenduaren 09a

Euskararen erabileran eragiteko asmoz, Agenda Estrategikoa aurkeztu du Jaurlaritzak

  • Lehendabiziko aldiz Eusko Jaurlaritzak Euskararen Agenda Estrategikoa osatu du. Jaurlaritzak legealdi honetan hizkuntza politikan hezurmamitu eta eskuratu beharreko helburuak zehazten ditu dokumentu horrek.

Patxi Baztarrika, Iñigo Urkullu eta Cristina Uriarte, artxiboko argazki batean. Jaurlaritzak lehen aldiz egin du euskararen inguruko Agenda Estrategiko bat.
2014ko ekainaren 24a - 00:00Azken eguneraketa:2015-02-26 13:37:33

Lehendakaritzan egin duten aurkezpen-ekitaldian Iñigo Urkullu lehendakariak hartu du parte. Bertan izan dira baita ere, besteak beste, Cristina Uriarte Hezkuntza, Hizkuntza Politika eta Kultura sailburua, Patxi Baztarrika Hizkuntza Politikarako sailburuordea eta Itziar Alkorta Unibertsitate eta Ikerketako sailburuordea.

Helburua aurrera begirako lehentasunak ezarri eta euskara bultzatzeko ekimenen “ikuspegi orokor eta integratua” lortzea dela azaldu dute.

Jaurlaritzako iturrien arabera, aurreko urteetan Hizkuntza Politikarako Sailburuordetzak bultzatutako ildo espezifikoak eta Jaurlaritzaren esparru ugaritan euskararen erabilera bultzatzeko egiten diren planteamenduak uztartu dira agenda estrategikoa osatzeko.

Eragin zehatzak

Honako esparruetan eragingo duten neurriak ekarriko ditu Agenda Estrategikoak Jaurlaritzaren webgunean irakur daitekeenez:

- “Euskararen Adierazle Sistema” izenekoa martxan jarriko da, euskararen egoeraren isla uneoro eskura izateko osatu nahi den neurketa sistema. Gobernu Kontseiluak onartu beharko du abian jarri aurretik.

- Eusko Jaurlaritzan eta haren menpeko erakundeetan Euskararen Erabilera Normalizatzeko V. Plangintza onartu beharko da.

- Osakidetzaren Euskararen Erabilera Sustatzeko II. Plangintza onartzea sustatuko du.

- Ertzaintzaren Euskararen Erabilera Sustatzeko II. Plangintza bultzatuko du, Segurtasun Saileko Administrazio eta Zerbitzu Sailburuordetzak onartu ostean.

- ESEPen diagnostikoan sakontzea eta adierazle propioak eratzea (Euskararen Aholku Batzordea).

- Kontsumitzaileen Hizkuntza Eskubideei buruzko dekretuaren esparruan, orain arteko ibilbidea baloratuko da eta Jaurlaritzak beharrezko ikusten dituen moldaketak txertatu.   

- Eusko Jaurlaritzaren kontrataziorako hizkuntza irizpideetan, orain arteko ibilbidearen ebaluazioa egingo da eta, beharko balitz, egokitzapena.

- HABE - Helduen euskalduntze-alfabetatzearen esparruko araudia eguneratuko da (179/2003 Dekretua, egiaztatze-sistemari buruzko Agindua, Curriculumari buruzko Agindua, Euskaltegiek bete beharreko baldintzei buruzko 2005eko uztailaren 27ko Ebazpen orokorra…).


Hizkuntza politika kanaletik interesatuko zaizu...
2022-12-01 | ARGIA
Hernani izango da Uemako 96. udalerria

Hernaniarren %70ak euskara menperatzen du, eta horrek ahalbidetu dio Udalerri Euskaldunen Mankomunitatean sartzea. Asteasurenarekin batera, abenduaren 17an onartuko du Uemak Hernaniren eskaria, eta hala, 96 izango dira udalerri euskaldunak. Ezagutzak gora egin duen... [+]


2022-11-23 | Lide Iraola
"Udalerri Euskaldunetako Haurrak eta euskara" ikerlana
Gero eta lehenago hasten dira gaztelaniaz udalerri euskaldunetako haurrak

"Udalerri Euskaldunetako Haurrak eta euskara" ikerlana egin dute Soziolinguistika Klusterrak, UEMAk eta EHUko Dream taldeak. Udalerri euskaldunetako zazpi ikastetxetako haurrekin, helduekin, eta herriko eragileekin euskararen egoera aztertu dute, haurren... [+]


2022-11-18 | Lide Iraola
Mitxel Elortza Exea, Pantailaldiako bolondresa
"Euskal Herriko zinemetan eskaintzen diren filmeen %1 da euskaraz"

Pantailaldiaren Arabako ordezkaria izan da Mitxel Elortza Exea. Ekimena arrakastatsua izan dela uste du herritarren parte hartzeagatik, baina astebetez euskarazko ikus-entzunezkoak soilik ikusteko erronka egunerokoan bete dadin lan asko geratzen da egiteko Elortzaren ustez... [+]


2022-11-17 | ARGIA
Euskaltzaindiak euskara Nafarroa osoan ofiziala izatea eskatu du

Euskararen Legea aldatzeko eskatu du Euskaltzaindiak eta bat egin du Euskararen Nafar Kontseiluak irailean egindako adierazpenarekin. Gogorarazi du euskararen akademia dela lurralde guztietan, hizkuntzari dagokionez, "instituzio aholku-emaile ofiziala".


2022-11-16 | ARGIA
Euskararen erabilerak beherakada nabarmena izan du herri euskaldunetan ere eta neurriak eskatu dituzte

UEMAk argitaratutako txostenaren arabera, herri euskaldunenetan izan da galera handiena: etxeko erabilera %81 izatetik %59 izatera igaro da hogeita hamar urtetan. UEMAtik kanpoko udalerriek, berriz, hobetu egin dute euskararen egoera soziolinguistikoa. Datuak aurkeztearekin... [+]



Irakurrienak
Argia buletina
Egunaren laburpena
zure e-postan
Eguneraketa berriak daude