Donibane Garaziko sarreretako batean, Arnegitik datorren errepidean, euskarazko kartela frantsesezkoaren gainean jarri du Herribiltza taldeak, “euskararen bizirik irautearen aldeko auzolanari” segida emanez.
Abuztuan ekin zion Herribiltza kolektiboak errepide bazterreko kartelen ordena aldatzeari. "Hizkuntza batek, bizitzeko, lurralde bat behar du non lehentasunez eta nagusiki erabiltzen den", adierazi zuen taldeak. Euskal Herritarren Biltzarren Elkargoa da Herribiltza, "euskal herritarron biziei buruz erabakitzeko boterea egiazkiz gure eskuetan izaitea bermatu nahi duen Euskal Herri osoko erakundea".
Orduan jakinarazi zuenez, behin baino gehiagotan eskatu diete departamenduko Kontseiluari eta Herriko Etxeari euskara lehentasunez jartzea: martxoaren 19an, maiatzaren 27an eta azkenik ekainaren 19an. “Pirinio Atlantikoetako departamenduko Kontseilu Nagusiak ez duenez gure bilkura eskaerari erantzuten, euskararen bizirik irautearen aldeko auzolanekin segitu dugu”, iragarri dute.
Bestalde, Herribiltzak azaldu du joan den ostegunean Donibane Garaziko auzapezarekin bildu zirela. “Herrien izenen bide bazterreko taulen kudeaketa departamenduaren esku dela adierazi zigun eta departamenduari gure bilkura eskaera helaraziko ziola erran zigun”.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.