Euskara lehenestea eskatu diote Jaurlaritzari eta EITBri Gasteizko kaleetan
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Manifestazioa Foru plazatik abiatu da, toki beren amaitzeko. Aldatu gidoia euskararen alde lelodun pankartak ireki du martxa, eta Euskal Telebista euskaraz zioen bigarren bat ere izan da. Gasteiz antzokiaren aldeko plataforma sortu berriak ere pankarta bat eraman du eta esku-orriak banatu ditu, eta manifestazioaren antolatzaileek babesa agertu diete amaieran.
Manifestazioari babesa adierazia zioten, besteak beste, ELA, LAB eta Steilas sindikatuak, Euskalgintzaren Kontseiluak, UEMAk, Euskal Herrian Euskaraz mugimenduak, AEK-k, Ikastolen Elkarteak, Eskola Publikoaren Aldeko Plataformak, eta Lanartea Euskararen Langile Profesionalen Elkarteak. Baita, kultura eta euskalgintza arloetako hainbat pertsona ezagun ere, horietako batzuek eraman dituzte pankartak, eta hitza hartu dute amaiera ekitaldian.
Euskararen alde eta euskaraz
Hitza hartzen lehenak Maialen Kortabarria bertso gai-jartzailea eta Estitxu Fernandez kazetaria izan dira, Aitor Biain kazetariak Berrian jaso duenez. Salatu dute EITBn gaztelerazko edukiek dutela lehentasuna, bigarren mailan dagoela euskara, eta hori “errotik” aldatzeko eskatu diote osatzear dagoen Jaurlaritza berriari. “Berreskuratu ditzagun euskarazko telebistaren sorrerako anbizio eta asmoak”, aldarrikatu dute, hain zuzen ere, Elixabete Garmendia kazetariak eta Aritz Ganboa Biba zuek! saioko kolaboratzaileak, salatu ostean euskarazko telebistaren jaiotzako helburuak “lausotu” egin direla.
Iraia Elias aktoreak eta Itziar Diez de Ultzurrun itzultzaileak ohartarazi dute ikus-entzunezkoen sektorea “hilzorian” dagoela. “Hainbat eta hainbat dira euskaraz gehiago lan egin nahi duten kultura arloko profesionalak, baina non daude politikak, non aurrekontuak, baliabideak eta diru laguntzak?”, galdetu dute. Lanartean Euskararen Langile Profesionalen Elkartetik Miel Anjel Elustondo ARGIAko kolaboratzaileak EITBri eskatu dio euskal sortzaileen lana hauspotzeko.
Berriako zuzendari Amagoia Mujikak “euskararen ekosistema” osoa indartzeko deia egin du. Egunkaria eta Berria egunkarien sorrera gogoratu eta euskararen alde herritarren bultzadak duen garrantzia azpimarratu du, baina erakundeek zeregin ezinbestekoa ere badutela ere esan du: “ Kulturan eta ikus-entzunezkoetan euskara erdigunean jartzearen alde egin dezagun bultza, eta agintaritza eta eragile politikoek gara ditzatela hizkuntzaren biziberritzean eragingo duten hizkuntza politika sendo eta eraginkorrak”.
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
-Kax, kax, kax.
-Aurrera!
Maratila kirrikariari buelta eman eta barrura.
Hor zaude zure Donostiako Ibaetako EHUko bulegoan, eserita, lanean, aurrean mahaia bete irakurgai. Hor daude zure poltsatxo beltza lurrean, zure erlojua, ohiko legez, eskumuturrean beherantz buelta... [+]
Joxe Azurmendi (Zegama, Gipuzkoa, 1941-2025) idazle, filosofo eta saiakeragilea zendu da. Literatura eta pentsamenduaren arloan lan itzela egindakoa, intelektual gisa ez ezik, euskararen eta kulturgintzaren aldeko mugimenduetan engaiaturik eman zuen bizitza osoa. Besteak... [+]
Pasa den astean kontabilitatea egiteko software libreko programa instalatu nuen ordenagailuan. Ez dakit lurralde guztietan berdin izango den, baina Bizkaian jarduera ekonomiko bat garatzen dugunok Batuz atarian egin behar ditugu fakturak. Batuz ataria ondo dago, baina... [+]
Urtebete baino gehiago eman dute hausnarketa prozesuan Aiaraldeko Euskalgintza Kontseiluarekin batera, eta agerraldi bateratua egin dute ateratako ondorioak plazaratzeko. Familiak eta erakunde publikoak ere interpelatu dituzte.
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Kanbon egin duten urteko biltzar nagusian ontzat jo dute lizeo berriaren garapenari buruzko txostena. Donapaleuko ikastolaren ondoan egongo da, eta hasiera batean 180 ikasle hartu ahal izango ditu, Seaskako arduradunen arabera. Lizeo berriaz gain, urteko biltzarrean azken... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Aiaraldeko Hizkuntzen Mapa proiektuarekin bat egin dute Amurrioko Amaurre, Zaraobe, Aresketa Ikastola, Mendiko Eskola eta Zabaleko ikastetxeek. Aiaraldeko Euskalgintza Kontseiluarekin elkarlanean udalerrian presente dauden hizkuntzak ikertu dituzte.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Bai Euskarari ziurtagiria lortzeko interesa agertu duten herriko 42 elkarte eta establezimenduekin Euskararen Mapa osatu dute Urruñan. Euskara «biziago» egiteko pausoak emateko prest liratekeen eragileak identifikatu ondoren, urratsak egiteko laguntza emango zaie,... [+]
Egungo kurduerazko idazle esanguratsuenetakoa da Mizgin Ronak. Zortzi liburu ditu idatzita, bost eleberri eta hiru olerki liburu. 16 urte zituenean ihesera jo zuen, eta urte eta erdiren ondoren haren jaioterrian atxilotu zuten, Diyarbakirren. 1992an, 18 urte besterik ez zituela,... [+]