Euskara ikasteko eskubidea bermatzeko dirulaguntzak handitu ditu Nafarroako Gobernuak
Norbanakoentzat 300.000 euro eskainiko ditu, eta euskaltegientzat 2,1 milioi euro; iaz baino ia milioi bat euro gehiago izango dira. Euskara ahora kanpaina ere aurkeztu dute, helduak euskara ikastera bultzatzeko asmoz, “batez ere gazteak”.
“Jarraitzen dugu urratsak ematen doakoa izan dadin helduentzako euskararen irakaskuntza”. Halaxe laburbildu du Euskarabideako zuzendari Mikel Arregik Nafarroako Gobernuak dirulaguntzak handitu izana. Ultzamako Udaleko zinegotzi Izaskun Anduagarekin batera aurkeztu ditu datorren ikasturterako laguntzak, abuztuaren 30ean. Guztira pasa den ikasturtean baino 956.000 euro gehiago emango ditu gobernuak.
Norbanakoei bideratutako deialdian 300.000 euro emango dituzte, iaz baino 56.000 euro gehiago. Gogorarazi dutenez, 2020-2021 ikasturtean gutxienez 800 pertsonak eskuratu zuten laguntza hori, eta 2021-2022koan, 1.000 pertsonak. Gainera, euskaltegiei zuzendutako laguntzak 2,1 milioi eurokoak izango dira; iaz baino 900.000 euro gehiago, hain zuzen. “Herritarrek euskara jakiteko duten eskubidea” bermatzea dute xede.
Izaskun Anduagak, toki erakundeen izenean, jakinarazi du euskara ikastea “ia doakoa” dela kasu askotan, zeren Euskarabidearen laguntzekin 380 euroraino eskuratu daitezke, eta horrekin bateragarriak dira udal askok eskaintzen dituzten dirulaguntzak. Urriaren 1etik azaroaren 30era bitartean eskatu ahal izango dira laguntza horiek, www.euskaraikasi.nafarroa.eus atarian edo 012 zenbakira deituta.
“Euskara ahora” kanpaina
Sustapen kanpaina berria ere aurkeztu dute, “Euskara ahora” izenekoa. Horren bidez helduak euskalduntzera animatu nahi dituzte, “bereziki gazteak”. Azaldu dutenez, euskara ikastea “aukera erakargarri gisa” aurkeztu nahi izan dute kanpaina honetan. Irailean ikusiko da kanpaina hainbat tokitan: sare sozialetan, markesinetan, aldizkarietan, irratietan eta NUPeko Arrosadiako campusean. Horretarako gobernuak 54.000 euroko inbertsioa egin duela zehaztu dute.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]