Euskaltelen filosofia aldaketa kritikatu dute taldean aritutako txirrindulariek
Euskaltel Euskadi taldean aritu diren eta gaur egun puntako beste talde batzuetan dauden hainbat ziklistak (Markel Irizar, Beñat Inxausti, David Lopez, Iker Camaño, Jonathan Castroviejo, Koldo Fernandez de Larrea eta Haimar Zubeldiak) bere filosofia hautsi ez dezan eskatu diote talde laranjari. Igor Gonzalez de Galdeano Euskalteleko kirol-zuzendaria egin dute taldeak bizi duen egoeraren erantzule, World Tour ligan jarraitu ahal izateko txirrindulari atzerritarrak fitxatzeko agertu duen asmoagatik bereziki.
"Gure ohartarazpena proiektu berriaren norabidea zuzendu ahal izateko nahikoa denborarekin iristea espero dugu. Ez dugu hartutako norabide berria ulertzen. Garaiz iristea espero dugu, ez dadin gertatu emaitza onak dituzten euskal txirrindulariak kanpoko taldeetan ari diren bitartean, kanpoko txirrindulariak izatea euskal talde baten proiektua bizirik mantentzen lagunduko dutenak. Paradoxikoa da".
Kontua da World Tour ligan lehiatu ahal izateko taldeko txirrindulariek emaitzen araberako puntu kopuru bat pilatu beharra dutela, eta Euskalteleko ziklistek aurten lortu dituzten emaitzek ez dutela etorkizuna –liga horretan bederen– guztiz bermatzen.
Beharrezkoa al da atzerritarrak fitxatzea?
BAI
"Euskaltelek lortu behar duena da euskal txirrindulariek puntu gehiago biltzea, baina goi mailan mantentzea ahalbidetuko duen txirrindulari belaunaldia agertu bitartean, ez dago kanpoko ziklistak fitxatzea beste aukerarik". Biciciclismo webguneak atzo plazaratutako analisi mamitsuko pasartea da hau. "Gainera, World Tour ligan mantenduta taldekide kopurua 23tik 28ra pasatzen bada, euskal txirrindularien kopuruan apenas egongo da aldaketarik", jarraitzen du. "Gainera, merkatuan ez dago nahikoa puntu dituzten txirrindularirik. Beñat Intxaustik, Haimar Zubeldiak eta Jonathan Castroviejok esaterako [hiruek sinatu dute agiria], hiruen artean ez dute Reinardt Janse Van Rensburg edota Gediminas Bagdonas bezalako ziklistek baino puntu gehiago aportatzen. (...) Euskaltel soilik euskalduna? Posible da, baina beharrezkoa da etxeko txirrindularien emaitzak hobetzea. Eurak dira euren buruak exijitu behar dituzten aurrenekoak. World Tourrean eta soilik euskalduna... ez da posible urtean zortzi garaipen lortuta. Aldaketa beharrezkoa da. Atzerritarrak fitxatu behar dira, baina epe ertain eta luzera begira, ezinbestekoa da etxeko txirrindularien emaitzak hobetzea. Euren esku dago goi-mailan soilik euskal txirrindulariek osatutako talde bat egotea".
EZ
"Puntudun atzerritarrak fitxatzeak ez dio Euskalteli World Tour izaten lagunduko", idatzi zuen Joseba Iturriak abuztuan Gara egunkarian: "2013an World Tour ligan leku bat izateko, beharrezkoa da puntuazio-sistema konplexu bat oinarri duen rankinean 15 lehenengoen artean sailkatzea. Taldeek 2012an lortutako emaitzak eta taldeko hamabi txirrindulari onenek 2011n eta 2012an lortutakoak hartzen dituzte aintzat. Euskalteli ezer gutxi balio dio World Tour sailkapenean 13. egotea. Puntuazio-sistema konplexu horren ondorioz, Euskaltelek ezin du 15 lehenengoen artean sartu, puntuak emango lizkioketen txirrindulariak fitxatu arren. Ondoren, UCIk, 16. eta 20. postuen artean sailkatutako bost taldeen artean, beste hiru hautatzen ditu World Tourra osatzeko". Hiru talde horiek hautatzean, UCIk ez ditu puntuak aintzat hartzen, eta Euskaltelek abantaila izango luke, Iturriak gaurko Garan idatzi duen moduan.
Amets Txurruka eta Iban Velasco, taldetik at
Euskalteleko taldekide ohiek atzo zabaldutako agirian diotenez, Amets Txurrukak eta Iban Velascok taldean jarraituko ez dutela jakiteak eraman ditu isiltasuna haustera: "Amets guztiok estimatzen dugu, eta zaleentzat ikonoa da, bere adiskidetasun, ausardia eta esfortzuagatik. Velascori ere sekula ez dio minik eman zeukan guztia besteen alde emateak. IGGk (sic.) emandako argudioak –punturik eza eta progresio falta– kolpe zikina dira proiektu honek hasieratik –Miguel Madariaga buru– defenditu dituen balore eta espirituari".
[Irakurri pasa den astean Goienak Velascori egindako elkarrizketa: "Sistema honekin inork ez du talde lanik egin nahiko"]
Eta, orduan zer?
Ba, zer nahi duzue esatea: Ez dakit. Niri ere, zaletu gisa, Velascori eta bereziki Ametsi kontratua luzatuko ez dietela jakiteak min eman zidan. Atzerritarrak fitxatzeko asmoak ere mindu ninduen, baina, tira, elitean mantentzeko beharrezkoa bada, ez naiz nor kalapitan hasteko. Orain, ordea, ikusi dut puntako euskal txirrindulariak kexatu direla eta, kontxo, horiek badira norbait txirrindularitzaren mundu ero honetan.
Baina, dituzten kontratuak amaitzean izango al lukete interesik Euskaltelera itzultzeko? Eta Euskaltelek izango luke interesik –eta dirurik– haiek fitxatzeko? Haien puntuak beharrezkoak lirateke World Tour ligan soilik etxeko txirrindulariekin osatutako talde bat izateko? Zer egin behar da euskal txirrindularien belaunaldi sendo bat ateratzeko? Nori dagokio lan hori egitea? Zer da garrantzitsuagoa, goi mailan mantentzea ala hasierako baloreei eustea? Galdera mordoa, eta are erantzun gehiago. Ikusiko dugu egoerak noruntz joko duen.
Joan den abenduan gaztetxeak pintaketa nazi-faxistak salatu zituen ere, eta oraingo honetan “Stop LGTBI”, “Fuera degenerados” edota “No os dejaremos dormir” bezalako mehatxuak izan dira asteburuan Lakaxitako hormetan azaldu diren mezuak, diana... [+]
“Guk entseatu egiten genuen, mutilei erakusten genien, parrilarako laguntza behar zutenean hor egoten ginen, baina gero sekula ere ez genuen dantzatzen plazan, ezta burutik pasa ere”. Oihane Auzmendi Iturbe (Legazpia, 1977) Sustraiak dantza taldeko dantzaria da,... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Elkarretaratzeak egingo dituzte selektibitateari eta Baxoari ezetz esateko. Gainera, apunte-banku bat eta klase partikularrak jarri dituzte martxan IAko kideek.
“Maite zaitut” herri omenaldia egin diote maiatzaren 3an Pirritx, Porrotx eta Marimotots pailazoei Barakaldon, BEC erakustazokan. Euskal gizarteari egindako ekarpena eskertu nahi izan diote milaka pertsonak Maite Zaitut Kultur Elkarteak antolatutako jaialdian.
Trumpek Gazarako behin baino gehiagotan proposatutako garbiketa etnikoarekin jarraituko du Tel Avivek. Netanyahuk sare sozialetan jakinarazi duenez, Israelek milaka erreserbista deitu ditu Gazaren aurkako setioa gogortzeko eta "erabateko garaipena" lortzeko.
2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean... [+]
Gero eta nabarmenagoa da Espainiako Estatuak ez duela planifikazio demokratikorik energiaren arloan. Duela gutxi jasan dugun itzalaldia adibide garbia da, baina ez da bakarra. Energia berriztagarrien kontrolik gabeko eta lurralde askotan gehiegizko hedapena da beste adibide... [+]
Ez dakit itzalaldiak itsutu gaituen edo itsu gaudelako itzali garen. Edozein kasutan, itzalaldia ez da gaur hasi eta bukatu den gertaera histerikoa –barkatu, historikoa–. Aspaldian hasi zela uste dut eta, zoritxarrez, ez zen San Prudentzio egunean amaitu.
Bridgestone Japoniako pneumatikoen multinazionalak kaleratu nahi dituen langileek elkarretaratzea egin dute astelehen eguerdian Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin ere... [+]
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Nazismoaren biktimak izandako euskal herritarrak oroitzeko Eusko Jaurlaritzak egin duen lehen aitorpen instituzionala da. Hego Euskal Herriko 253 pertsona deportatu zituzten 1940 eta 1945 urteen artean. 113 bertan hil ziren eta beste asko, handik bizirik irten baziren ere... [+]
Maiatzaren 6tik 15era egingo da Pantailak Euskarazek antolatutako aktibazio sozialerako ariketa. Helburua, hamar egunez soilik euskarazko ikus-entzunezkoak kontsumitzea da. Ariketan izena eman daiteke maiatzaren 6ra arte.
