Euskalgintzak eta burujabetzaren aldeko mugimenduak elkar nola elikatu dezaketen aztertuko dute Donostian

  • Txillardegiren “Estatu batekin, agian, euskara ez da salbatuko; gabe, ziur ezetz” esaldi ezaguna abiapuntu hartuta, bi “mundu” horiek, euskara eta burujabetza, elkarrizketan jartzeko bi mahai-inguru antolatu ditu EHEk, Txillardegi Udal Liburutegia Herri Ekimenarekin elkarlanean. Bata martxoaren 16an izango da eta bestea 21ean, biak Donostiako San Jeronimo kaleko kriptan 19:00etan.


2023ko martxoaren 09an - 14:26

Mahai-inguruetako batean eragile subiranistak euskararen inguruan hausnartzen jarriko ditugu eta bestean, euskalgintzako eragile batzuk burujabetzaren inguruan. Besteak beste, ondoko galderen bueltan arituko dira: “Zein ekarpen egiten diote elkarri, euskarak burujabetzari eta burujabetzak euskarari?” edota “nola elkar elika daitezke bi prozesuak?”.

Lehenengo mahai-ingurua martxoaren 16an, ostegunarekin, izango da. Bertan, Unai Apaolazak (Ehun), Lide Hernandok (Udalbiltza) eta Oier Pagaegik (Herriexistentzia) parte hartuko dute hizlari modura eta Naroa Iturrik egingo ditu dinamizatzaile lanak.

Bigarrena, berriz, martxoaren 21ean, asteartearekin izango da eta Idurre Eskisabel (Euskalgintzaren Kontseilua), Miren Segurola (UEMA), Javi Arriaga (Gazte Euskaltzaleen Sarea) eta Intza Gurrutxaga (EHE) izango dira hizlariak. Mahai-inguruaren dinamizazioa, berriz, ARGIAko kazetari Lander Arbelaitzek egingo du.


Kanal honetatik interesatuko zaizu: Euskal Herrian Euskaraz
EHEk "egia, aitortza, erreparazioa" zikloa antolatu du Baionan, euskaldunek pairatutako jazarpenaz

Euskal Herrian Euskarazeko kideek "egia, aitortza, erreparazioa" emanaldi eta solasaldi zikloa antolatu dute datorren otsailaren 24rako Baionan, Kalostrape ostatuan.


2023-01-18 | ARGIA
Euskaltzale independentisten topaketak antolatuko ditu udazkenerako EHE-k

Euskaltzale eta independentistek elkarrekin hausnartzeko eta Euskararen Errepublika eratzeko helburuz, bi egunetako topagunea antolatuko du Euskal Herrian Euskaraz-ek (EHE). Data eta leku zehatzak aurrerago iragarriko dituzte. Antolakuntzarako lehen bilkura irekia egingo dute... [+]


Eguneraketa berriak daude