Argazki bilduma

"Euskaldunok elkartasuna adierazi eta kurduekin batera Newroz bizi izan dugu"

  • Martxoaren 21ean kurduen egun handiena ospatu zuten. Amed hiriko ospakizunetan parte hartu zuen Euskal Herritik joandako ordezkaritza batek. Handik bizi izandakoaren berri eman dute kronika eta argazki bilduma honetan.

Euskal Herriko brigada Newroz-en
2018ko martxoaren 22a
Argazkia: Kauldi Iriondo

Gorria, horia eta berdea eta Biji Kurdistan oihuak. Ekimen erraldoi honen ezaugarri esanguratsuenak dira. Beste behin ere, Newroz ospatzen da, urte berriari ongi etorria emateko, eta euskaldunok presente gaude berriz.

Newroz, herri kurduaren ospakizun garrantzitsuena, bere nortasunarekin zuzenki lotuta. Egun hau Kurdistango lau eremuetan (Bakur, Basur, Rojava, Rojhilat) ospatzen da. Mugen gainetik, herri kurdua batzen duen ekitadia. Herri eta hiri askotan ospatu arren, Amed-ena (Diyarbakir kurdueraz) da ekimen handiena. Zoroastrismotik eratorritako ospakizuna, herri kurduaren egun nazionala da. Udaberriaren etorrera eta herri kurduaren borroka batzen dituen festa da. Suak berebiziko protagonismoa dauka.

Antzinatik ospatzen da jai hau eta askotan debekatuta egin du Turkiako gobernuak. Aurten, paradoxikoki, ez dute legez kanpo utzi; bi urtetik hona larrialdi egoeran daude Turkiak okupatutako zonalde honetan. Dena den, Turkia osoan eta bereziki Kurdistanen pairatzen den testuinguru errepresiboak eragin argia izan du Newrozeko aurre prestaketan. Hemengo lagunek kontatu digutenez, oso kartel gutxi ikusten dira kalean errepresalien beldur. Izan ere, hiru kolore nazionalak (horia, gorria eta berdea) kaletik eramatea susmagarritzat hartzen du poliziak. Turkiako ikurrak eta Erdoganen argazkiak dira Amedeko kale nagusi batzuetan ikusten direnak. Turkiako ultranazionalismoaren erakusle dira hauek. Azken finean, herri baten errealitatea aldatzeko beste saiakera bat da; eta honekin batera, paisajearen parte dira poliziaren blindatuak, garita ugari eta hiriaren barnealdean dauden kartzelak.

Hala ere, honek guztiak ez du herri kurduaren aldarrikapenak gelditzen eta oztopo guztien gainetik aurten ere ehundaka mila lagun bildu dira Newrozeko ospakizunean. Adin guztietako kurduak eta inguruko herrietatik etorritakoak dira. Urrunetik heldutako delegazioak ere presente egon gara. Euskal Herria, Estatu frantsesa, Italia, Norvegia, Alemania... Guztira 50 bat ekintzaile internazionalista. Euskaldunok elkartasuna ekarri nahi izan dugu eta kurduekin egun hau bizi.

Ez da erraza izan zonaldera sartzea. Ehundaka polizia inguruan, lau kontrol pasa behar izan ditugu. Katxeoak, poltsak arakatzea, pasaporteei argazkiak ateratzea eta gauza batzuk kendu dizkigute, boligrafoak eta presoen banderola kasu. Presentzia poliziala itogarria da eta horrek azaltzen du neurri handi batean kurduen hiru koloreetako zapi gutxi ikustea edota Ocalanen argazki bat ere ez. Sartzen saiatze hutsa urte askotako kartzela zigorrean buka daiteke…

Behin sartuta, delegaritzaren palkotik ekimena jarraitu ahal izan dugu. Aurkezpena, musika-emanaldiak eta HDPko buruzagien diskurtsoa… Afrinen kontrako operazio genozidari aipamena egin zaio eta euskal delegaritzari eskerrak eman zaizkio hain urrunetik elkartasuna ekartzeagatik. Tartean, piztu dituzten suak berotu dute giroa. Han bildu den jendetzak diskurtsoak jarraitu ditu alai dantzatzen zuen bitartean; emakumeak, gizonak, agureak eta umeak elkarrekin.

Ekitaldia 4 orduz luzatu da. Behin programa bukatuta polizia zonaldera sartu da “nahikoa izan duzue” irudikatuz. Nabaritzen zen gorrotoa haien jarreran. Nahiz eta pixkanaka-pixkana eta lasaitasun osoz jendetza Newrozeko gunea atzean utzi, poliziek presiopeko urarekin aldendu diu.

Errepresioaren gainetik, okupazioaren gainetik, debeku eta zentzuraren gainetik, herri kurduaren garrasia eta aurrera jarraitzeko grina indartsuagoak direla agerian geratu da beste behin ere. Nahiz eta, egun Afrinen gertatzen den bezala, herri hau estaltzen eta akabatzen saiatu, herri kurduak bizirik dirau. Eta borrokatzeko prest ere.

Newroz piroz be! Biji Berxwedana Kurdistane!

Kauldi Iriondo Galarragaren argazkiak:

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Internazionalismoa  |  Kurdistan

Internazionalismoa kanaletik interesatuko zaizu...
Urriak 12: atzo, gaur eta beti espainiar inperialismoaren aurrean, herriok erresistentzia!

Venezuelako Bolibartar Errepublikako gizonezkoen futbol selekzioa dugu gaur Euskal Herrian. Hispanitatearen eguna da batzuentzat, arrazakeria, inperialismoa eta genoziodioa goratzeko eguna; euskaldunontzat, berriz, jai egun arrotza izan da beti: herri eskolak antolatu izan ditugu, indar polizial okupatzaileen kanporatzea eskatu... eta aldi berean, internazionalista gisa, Abya Yalaz gogoratzeko eguna ere izan da.


Urriaren 7an Brasilen faxismoak irabaz ez dezan

Brasilen diktadura militarrak duela 33 urte azken urratasak eman bazituen ere, txarraska eta bota beltzen zolak dabiltza paseoan herrialdeko urbeetan barrena. Une erabakiorra bizi dute urriaren 7ko hauteskundeen atarian, eta Sao Paulotik Amazoniara, Matogrossotik Bahiara demokrazia eta eskubide zibilen berregituratzea, ala “diktadura gaur egungo erara”, askatu beharreko korapiloa.


Askapenaren Bolibiako brigadaren azken kronika: prozesuaren gorabeherak

Boliviak 12 urte inguru daramatza herriak boterea eskuratu zuenetik MAS (Movimiento Al Socialismo) mugimenduaren bidez, Evo Morales Ayma buru dutelarik. Ordutik, asko dira estatu plurinazional bihurtu den honetan eman diren aurrerapausuak. Hautatutako bidea Bolivia indigena, sozial-komunitarioa eta burujabea lantzen duena da eta horri begira jarraitzen dute borrokan egun.


Mexikotik brigada feministaren lehen kronika

Uztailaren 30ean heldu ginen San Cristobal de las Casas hirira, Txiapas, brigadako bost kideok. Laster konturatu ginen ahorita ahorita erritmora ohitu behar genuela eta hori zela eta, gauean elkartu ahal izan genuen bostok.


2018-08-02 | ARGIA
Askapenak jakinarazi du Bilboko Askape˝a konpartsarekin zuen lotura etetea erabaki duela

"Orain arteko elkarlanarekin jarraitzeko beharrezkoak diren baldintza minimoak betetzen ez direla uste dugu eta beraz hemendik aurrera konpartsak ez du Askapenarekiko inolako lotura politiko, ideologiko ez eta ekonomikorik izango", adierazi du Askapenak. Loturan idatzi duten oharra.


"Nikaraguako borrokaren lidertzan emakume asko daude"

Tantaka eta lerroburuka heltzen dira, Euskal Herrira, Nikaraguan azken hilabeteotan gertatzen ari direnak. Herri-matxinada baketsua defendatzen dute batzuek, eta estatu kolpea egotzi, besteek, eta gatazkaren hiru bertsio daude gutxienez, mahai gainean: Daniel Ortegaren eta Rosario Murilloren gobernuarena, eskuin muturrarena eta ezker kritikoarena. Bitartean, lau gazte Europan barrena dabiltza, Nikaraguari Elkartasunezko Nazioarteko Informazio Karabanarekin, eta EAEko koordinatzailea da Sayuri... [+]


Greziako brigadaren bideokronika: Thessalonikako borrokak ezagutzen

Atenasen ostean Thessalonika eta bertako mugimenduak ezagutzeko aukera izan dugu azken hiru egunetan. Biome fabrika okupatua, Omnes errefuxiatuak artatzeko elkartea, uraren pribatizazioaren aurkako mugimendua eta Halkidikiko mehatzeen aurkako mugimenduak ezagutu ditugu zehazki.


2018-05-18 | ARGIA
Europaz hausnartzeko hitzaldi bira egingo du Askapenak

Maiatzaren 23an hasi eta ekainaren 2ra bitartean Euskal Herriko hainbat txokotan hitzaldiak antolatu ditu Askapenak. Europar Batasunaren inguruko kritika zabala den arren, ezjakintasuna handia dela ondorioztatu dute.  Azken aldian Askapenak begirada Europan du eta egoeraren aurrean, auziaz jarduteko hitzaldiak iragarri dituzte. Gonbidatu berezien laguntzaz, egungo egoeraz hausnartuko dute. 


Azkenak
EGILEA
Eguneraketa berriak daude