Euskal zinemagintzearen amua izango da Lekeitioko Zine Bilerea, urriaren 16tik 22ra
Sail ofizialean 31 lan ikusteko erea egongo da Lekeitioko Zine Bilerearen 39. ekitaldian. Bestetik, Benito Ansola bekearen emoitzea aurkeztuko da eta Kontxu Odriozolari omenaldia egingo deutsie.
Aurreko edizinoetan baino goizago dator aurten Lekeitioko Zine Bilerea, urriaren 16tik 22ra. Antolatzaileek azaldu dabenez, Donostiako Zinemaldiaren eta Zinebiren artean egin nahi izan dabe jaialdia. Euskerazko zinema jaialdi bakarra dan ezkero, Lekeitioko Bilerea erreferentzia bihurtu da zinemazaleentzat, urteko zita aitagarrienetako bat.
Sail ofizialean 32 film ikusi ahal izango dira, hamaika profesionalen mailan eta beste 21 amateurren mailan. Aukeraketea egitea ez da erraza izan, 50 lan baino gehiago jaso ditue eta. Sariak bost kategoria nagusitan emongo ditue: Argazkia, gidoia, produkzinoa, zuzendaritzea eta pelikularik onena. Arlo bakotxean 1.600 euro eta zidarrezko antzarra emoten jake profesionalen mailako irabazleei eta, amateurretan, ostera, 1.000 euro eta antzarra. Film onenaren kategorian, sariak 1.900 eta 1.300 eurokoak dira, hurranez hurran.
Horrezaz gan, beste sari bi be badagoz atal ofizialaren barruan. Batetik, Gazte 22 saria, 1993tik aurrera jaiotako egileentzat. Sail ofizialeko bost film dira hautagaiak. Bestetik, Antzar Morea emongo jako gizonen eta emakumeen bardintasuna ondoen erakusten edo aldarrikatzen dauen lanari. Lekeitioko Udaleko Bardintasun Sailak emoten dau sari hori.
Epaimahaian zinemagintzearen alorreko bost profesional egongo dira: Tessa Andonegi, Sara Cozar eta Asier Hormaza aktoreak, Asier Bilbao produktorea eta Iñaki Billelabeitia EHUko irakaslea.
Euskeraz behar egiten daben sortzaile hasibarri edo amateurrei bidea zabaltzea eta profesionalaren bilgune izatea dira Lekeitioko Zine Bilerearen helburuak. Ana de Castro Bizkaiko Foru Aldundiko Euskera zuzendariaren eretxian, hasikerako helburu horri eutsi deutso jaialdiak, baina sasoi barrietara egokitzen jakin dau. Horren erakusgarri da gazteei lekua egiteko ahalegina eta bidelagun barriak topau izana, adibidez aurten, Donostia 2016. "Euskal zinemagintzearen bide barriak ezagutzeko aukerea izango dogu Lekeition", azpimarratu dau De Castrok, "Bizkaiko kulturearen paisaian opari ederra izaten da urtero".
Inaugurazino ekitaldian, hilaren 16an, Iratxe Mediavillak zuzendutako Argi filma emongo dabe. Ekitaldi hori eta lehiaketako proiekzinoak Ikusgarri zinema-aretoan izango dira. Sari banaketa ekitaldia be, urriaren 22an, Ikusgarrin izango da, Itziar Ituño aktorea gidari dala. Lehiaketaz kanpoko saioak eta ikastetxeetako ikasleentzako proiekzino bereziak be badagoz egitarauan.
Ikusgarri aretoa erdigunea izango dan arren, herriko beste txoko batzuetara be helduko da Zine Bilerearen eragina. "Herriko dendek eta tabernek bat egingo dabe gugaz eta zinemeagaz lotutako dekorazinoa ipiniko dabe", azaldu dau Koldo Goitia Lekeitioko alkateak. Urriaren 22an, bestalde, mahai-ingurua eratu dabe Barandiaran aretoan, Emakumezkoak ikus-entzunezkoetan, hezkuntzatik lan mundura izenburupean. Hemen Ere plataformeak antolatu dau hitzordu hori, izan be, alkartea aurten sortu dabe ikus-entzunezkoetan emakumeen presentzia bultzatzeko.
Inaugurazinoaren bezperan, 15ean, emonaldi berezia egongo da, Donostia 2016k antolatutako Europa Transit egitasmoko film bat estreinauko dabe eta. Xuban Intxaustik zuzendutako Mugaminak dokumentalak Zipreko errealidadea kontetan dau, Amets Arzallus bertsolariaren begietatik. Muga batek banatzen dau uhartea.
Hilaren 21ean Kontxu Odriozolari omenaldia egingo deutsie. Aurten hil da euskal zinemagintzan eta antzerkigintzan zein Goenkale telesailean ezagun egindako aktorea eta bere ibilbide luzean egindako ekarpena gogoratu nahi dabe.
Hortaz, euskal zinemagintzearen amua izango da Lekeitio urriaren 16tik 22ra, Koldo Goitiak nabarmendu dauenez. Aurtengo edizinoko karteleko irudi nagusia, hain zuzen, amu bat da. Lehenengoz, ganera, lehiaketa edegi baten bidez aukeratu dabe kartela. "Lan hori herritarrei hurreratu nahi izan deutsegu", dino Goitiak. 16 proposamen aurkeztu dira eta Alejo Muñozen irudia aukeratu dabe.
Benito Ansola saria
Urtero legez, aurten be Benito Ansola saria antolatu dau Euskaltzaleen Topaguneak, Lekeitioko Zine Bilereagaz alkarlanean. Zinemazale sutsu, herriko abade eta Zine Bilerearen bultzatzaile dan Benito Ansolaren izena daroa beka horrek. Igaz Irati Cano Alkain donostiarrak irabazi eban eta sariari esker sortu dauen film laburra ikusi ahal izango da aurtengo edizinoan, urriaren 20an egingo dan saioan. Leihoak izeneko dokumental esperimentala, 11 minutukoa, egin dau Canok bekearen laguntzinoagaz.
Topaguneko Aritza Escandonek azaldu dauenez, hiru edizino bete ditu Benito Ansola sariak eta, guztira, 30 proposamen jaso ditue. "Harrobi lana egin nahi dogu, gazteei aukerak emon", dino Escandonek. Helburu hori beteteko bidean dirala emoten dau, izan be, parte-hartzaileen bataz besteko edadea 26 urte da eta igazko irabazleak, Irati Canok, 23 baino ez ditu.
Albiste hau Bizkaiek argitaratu du eta CC-by-sa lizentziari esker ekarri dugu ARGIAra.
Zinemaldiaren laugarren eguna Kursaaleko bigarren aretoan hasi dut. Bertan, Ni de yan jing bi tai yang ming liang-en (Gaueko soinuak) estreinaldia ikusteko aukera izan dugu, produktore, aktore eta zuzendariaren presentziarekin. Filmean, Qing (Aline Chen) da protagonista, neskato... [+]
Sinopsiaren arabera aukeratzen ditut filmak, noski, ez da batere harrigarria. El mensaje-renak (Mezua) hala zioen, hitz gutxitan: krisi ekonomiko betean, animaliekin hitz egin dezakeen 9 urteko neska bat eta bere tutoreak maskoten medium zerbitzua ematen ari dira furgoneta... [+]
Kirmen Uriberen Elkarrekin esnatzeko ordua (Susa, 2016) kronika-eleberrian dago oinarrituta Karmele pelikula, eta liburuek, liburuko istorioek, pantaila handian luzitu dezakete, baina eleberria osorik pantailara eramatea ez da zertan egokiena izan. Zeren, liburua irakurri duenak... [+]
Alauda Ruiz de Azua barakaldarrak zuzendu duen filma hautagai indartsua da sarien lehiarako. Eder bezain irrigarri kokatu du istorioa: tradizio kristauko familian, zeinean hiru alabak kristau eskolara joaten diren, zaharrenak, 17 urteko Ainarak, moja sartzeko bokazioa azalduko... [+]
Zaila da pelikula esperimental baten inguruko kritika idaztea. Alde batetik, normalean, hausnartzeko denbora luzea eskatzen dutelako eta hausnarketa horrek ez duelako analisi zuzena bermatzen. Eta bestetik, interesgarri eta pedante izatearen arteko lerroa oso fina eta... [+]
Igande goizeko saioan, Aldığımız Nefes (Arnasten dugun bitartean) Turkian eginiko filma ikusteko aukera izan dut. Bertan, Esma (Defne Zeynep Enci) alaba eta aita (Hakan Karsak) sei pertsonako familia aurrera ateratzen saiatzen dira, imajina daitekeen... [+]
Paris. Modaren astea da. Hiru emakumek ia espazio bera konpartituko dute, baina ez dira beraien artean askorik erlazionatuko, edo ez dute elkarren berririk izango apenas, ez ikusleok adina behintzat. Angelina Jolie aktoreak gorpuztu du Maxime, 50 bat urte inguruko emakume... [+]
Sentsazioa dut, Alberto Rodríguez zuzendariak edozer egiten zuela ere, txaloak eta prentsa ona jasoko zituela Donostiako Zinemaldian. Ea, niri ere gustatu zitzaizkidan La isla mínima, Modelo 77... Baina goazen lan bakoitza ahalik eta independenteen ikustera. Espainiako... [+]
Erotuta utzi nau pelikulak; agian, kritika honen idazteko eran nabarituko zait. Óliver Laxeren luzemetraia honetan, Luis (Sergi López) eta Esteban (Bruno Núñez) ezagutu ditugu, aita-semeak, bost hilabete alaba/arreba ikusten ez dutela eta, bere bila abiatu... [+]
Norbaiti esan diot film hau “publiko guztiendako” dela eta segituan eman dit alto. Erraz ikustekoa da, egia da, baina akaso jende edota belaunaldi jakin bati enbarazu apur bat egingo dio pantailan ikusirikoak. Ajam, bai: zakil-festa galanta erakutsi dute. Eta... [+]
Bigarren egunari hasiera emateko, Carla Simónen Romería izan da aukeratutako pelikula. Bertan, Marina (Llúcia Garcia) ezagutuko dugu ikusleok, 18 urte bete berri dituen neska gazte kataluniarra. Unibertsitatean zinea ikasi nahi, eta beka lortu ahal izateko... [+]
Gustatzen zaizkit dena leku berean eta denbora jarraituan eta epe motzean gertatzen diren filmak. Hauxe da kasua: Le cri des gardes, Claire Denis zinegilearena. Mendebaldeko Afrikan kokatu dute, herrialderik adierazi gabe. Adierazkorra da hori, filma hasi eta buka kolonialismoa... [+]
Han-hemen entzuna dut garai batean baserriz baserri joaten zirela musikariak, eskean pentsatzen dut. Soinua soinean hartuta imajinatzen ditut, atea jotzen eta aurpegia galanki botatzen, barrura sartu ahal izateko. Uste dut noizbait Ruper Ordorika entzun izan dudala entzuna edo... [+]
Ainda estou aqui memoria eta erresistentzia pelikula bat da, horrela esan du Walter Salles zuzendariak, ostiraleko pasearen aurretik. Iaz estreinatutako pelikulak sari dezente irabazi ditu, iazko Goya sarietan eta aurtengo Oscarretan film iberoamerikar onenaren eta film... [+]
Dominga Sotomayorren Limpia pelikulak estreinatu du Horizontes Latinos saila, Latinoamerikako pelikulena, hain zuzen ere. Txileko hiriburuan kokatuta, interna edo etxeko langile baten istorio klasikoa ekarri du pantailara Sotomayorrek. Herrialdeko hegoaldeko klase baxuko emakume... [+]