Euskal presoen eskubideak defendatzeko aldarri egin dute milaka lagunek Bilbon eta Baionan
85.000 lagun inguru bildu dira larunbatean Bilbon eta Baionako manifestazioetan. Euskal presoen eskubideen defentsan, hitza betetzeko eta ekiteko eskatu diote Frantziako eta Espainiako Gobernuari.
aurre egingo dieten hedabide independenteak
Eguraldia lagun, jende andana bildu da Bilbon eta Baionan pasa den larunbatean eginiko manifestazioetan. Orain Presoak goiburupean, 76.000 lagun inguru batu dira Bilbon eta 9.000 Baionan, antolatzaileek jakitera eman dutenez. 2016an ere bi mobilizazio izan ziren, eta edizio hartan 71.000 herritar inguru zenbatu zituzten: 63.000 inguru Bilbon eta 8.000 Baionan.
Aldi berean abiatu ziren manifestazioak, kasik 17:30ak zirela. Euskal presoen eskubideak betetzea eskatu dute, eta dispertsio politika deuseztatzea. Bilboko manifestazioak, baina, bazuen ezberdintasunik aurreko urteetakoekin alderatuta: iazko ekainean hartu zuen presidentetza Pedro Sanchezek (PSOE), eta espetxe politika aldatzearen aldeko adierazpenak egin zituen. Dena den, orduan piztutako itxaropen izpi hark ez du jarraipenik izan: mugimenduak eskasak izan dira. Larunbatean, hortaz, hitza betetzeko eta urratsak ematen hasteko eskatu dute Bilbon.
Joseba Azkarraga Sareko kideak “entzuteko” eskatu zion Espainiako Gobernuari: “Ez dezala ahaztu hemen badagoela gizartearen zati garrantzitsu bat, zer esanik baduena, eta hamarkadatan luzatu den gatazka konpontzea besterik nahi ez duena”. Sara Majarenas euskal preso ohiak adierazi du hau dela presoen korapiloa askatzeko unea.
Bilboko manifestazioko argazki sorta ikusgai, Dani Blancoren eskutik.
Bestalde, iluntzeko 20:00etan amnistia osoaren aldeko manifestazioa egin zuten Bilboko Etxebarrieta Anaien plazatik abiatuta, Amnistiaren Aldeko eta Errepresioaren Aurkako Mugimenduak deituta.
Baionan, ordezkaritza politiko handia
9.000 lagun inguru elkartu dira Baionan, Frantziako Gobernuari urratsak eman ditzan eskatuz. Ipar Euskal Herriko udal alkateen %65ak babestu zuen manifestazioa. 2018ko urtarrilean iragarri zuen Frantziako Estatuak espetxe politika aldatuko zuela, hots, dispertsioarekin apurtuko zuela. Dena den, azken hilabeteotan prozesua “geldo” dagoela adierazi du Jean-René Etchegaray Euskal Elkargoko presidenteak.
Bestalde, Nicole Belloubet sozialista eta Max Brisson senatari eskuindar baionarra bat etorri dira euskal presoen auzian, “oztopoak” daudela esanez. Honela adierazi du Brissonek: “Oztopoak daude aurrera jarraitzeko; berritu eta irmotu egin behar gara euskal presoen auzian aurrera egiteko”.
Grande-Marlaskari deia
Manifestazioaren biharamunean, hitza hartu du Sare Herritarrak. “Bere izenean eskubideak urratzen jarraitzeko prest ez daudela esan dute milaka eta milaka lagunek”, adierazi dute Arantza Aldezabal eta Joseba Azkarraga plataformako kideek. Hala, Sarek Fernando Grande-Marlaska Espainiako Barne Ministroari bilera bat eskatuko diola jakinarazi dute. Espainiako Gobernuak euskal presoei ezartzen dizkien salbuespen neurriekin amaitu dezala galdegin nahi dio.
Ipar Euskal Herriko ordezkaritzak iaz izan zuen harremana Frantziako Gobernuarekin, espetxe politika aldatzeari ekin zionean. Hortaz, Sarek Espainiako Gobernuarekin biltzeko “beharra” ikusten du. Iparraldeko ordezkaritzaren esperientzia hartu nahi du oinarri horretarako, eta horregatik, Ipar Euskal Herriko ordezkaritzarekin hitzartuko dela iragarri dute: “Ziur gaude lan molde berriak topatuko ditugula”.
Sare Herritarraren iritziz, “oso positiboa” izan da larunbatean era bateratuan milaka pertsona Ipar eta Hego Euskal Herrian mobilizatzea. Aldezabalek adierazi duenez, euskal gizartearen ordezkaritza zabal batek hartu du parte, eta eskaera “argia” izan da: “Gobernuek ez dezatela gehiago atzeratu sufrimendua besterik sortarazten ez duen espetxe politika bidegabe eta zentzugabe honen aldaketa”.
Ezin da gehiago luzatu lelopean, presoentzako espetxe politika arrunta ezartzea eta iheslarien eta deportatuen itzulera eskatuko dituzte Bilbon, urteroko legez. Horrekin batera, presoen eskubideak defendatu eta, batez ere, Euskal Herrian “konponbidearen, bakearen eta... [+]
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.