Euskal liburu azokaren 38. edizioa egingo dute Lazkaon
Gerriko kultur elkarteak antolatuta, urteroko azokarekin hitzordua dute lazkaotarrek, abenduaren 16,17 eta 18an. Musika emanaldiak, tailerrak eta buruhandiak ere izango dira asteburuan.
Azoka ofizialki ostiralean hasiko bada ere, dagoeneko hasi dira liburu batzuk aurkezten. Asteazkenean Lurdes Ulazia eta Ana Santiagok Txokomates. Txokolate zaporeko mate laborategia liburuaren nondik norakoak azalduko dituzte, Gerriko liburu dendan, 19:30ean.
Gerriko liburu dendak Lazkaoko plazako pilotalekura aterako ditu liburu eta diskoak. Ostiralean 16:30ean emango diote hasiera azokari, eta egongo dira giroa goxatzeaz ere arduratuko direnak: ostiralean bertan Lazkaoko Musika Bandak Gabonetako kontzertua egingo du 19:00etan, eta larunbat eguerdian buruhandiak aterako dituzte.
Igandean ere azokara gerturatzen direnek topatuko dute zeregina: 12:30etatik aurrera Maider Urretabizkaiaren eskolako Sormen Artistikoko ikasleek tailerra eta erakusketa eskainiko dute.
Azokan salgai jarriko diren lanek %15eko deskontua izango dute, Lazkaoko Udalaren ekarpenari esker.
Atzo hasi eta bihar bukatuko da Geure Gelatik azoka, Azkoitian. Emakumeen literatura oinarri duen euskarazko azoka da. Aurten, Jasone Osoro izango da omendua.
Doinuele euskara hutsezko plazen sareko hurrengo hitzordua irailaren 30ean izango da, Doberaren eskutik, 11:00etan hasita. Zenbait idazlek liburuak aurkeztuko dituzte, tartean Jakoba Errekondok eta Garbiñe Larreak. Bertso saio literarioa eta kontzertua ere egongo dira.
Abuztuaren 31era arte egin daiteke postua jartzeko eskaera. Aurten diskoak saltzeko aukera ere egongo da, lehen aldiz. Emanaldi eta aurkezpenak iragarri dituzte antolatzaileek. Dobera euskara elkarteak antolatzen du euskara hutsezko azoka, eta orain, Doinuele Euskarazko Plazen... [+]
Joan den ekainaren 3an egin zen Ziburuko 4. Euskal Liburu eta Disko Azoka eta antolatzaileek –Baltsan Elkartea eta ARGIA– balorazio orokorra egin dute. Azoka handituz joan da bere erritmoan, urratsez urrats, urtetik urtera baieztatuz 2019ko hastapen hartan... [+]
Martxoaren 24 eta 25ean egingo da Geure Gelatik liburu azoka Azkoitian. Emakume idazleen azken bi urtetako ekoizpena ezagutu ahal izango da bertan, bai herriko liburu dendek hornituko dituzten mahaietan itzulitxoa eginez, eta baita hitzaldi, mahai-inguru eta fomato berezietan... [+]