Euskal LGTBI+ Behatokia sortu dute

  • Aldarte, AMPGYL, Bizigay, Errespetuz, Gaylespol, Gehitu, Izanez, LGTBerri eta Naizen elkarteek aurkeztu dute Behatokia. Indarkeria eta diskriminazioa salatu eta ekiditea dute helburu.


2021eko ekainaren 28an - 15:57
Azken eguneraketa: 18:02
Argazkia: @Gehitu_Elkartea

“Sexu ezaugarrietan, sexu edo genero identitatean eta adierazpenean eta orientazio afektibo-sexualean oinarritutako edozein motatako indarkeria edo diskriminazio adierazpenak ekiditea eta salatzea” da ekainaren 28ko data esanguratsuan aurkeztu duten behatokiaren helburu nagusia, bere sorreran parte hartu duten elkarteen ordezkariek prentsaurrekoan azaldu dutenez. “Detekzio, prebentzio eta konponketa mekanismo eraginkorrak” garatu nahi dituzte horretarako. Behatokiaren helburuak izango dira baita ere berdintasun “erreala eta eraginkorra” bultzatzea bizitza publikoaren espazio eta alor guztietan. 2020an LGTBI+ pertsonen aurkako erasoek gora egin dutela gogoratu dute.

EAErako LGTBI+ Lege Integrala

Gasteizko Parlamentuan aurkezteko LGTBI+ Lege Integral baterako zirriborroa osatzen ari direla jakinarazi dute Behatokia osatzen duten elkarteek. Zirriborroa osatzeko, hainbat eragile sozial, sindikal eta politikorekin, unibertsitatearekin eta norbanakoekin elkarlanean ari dira. Sarai Montes eta Mikel Oribe bozeramaileek azaldu dute EAE dela mota honetako legerik edo lege zirriborrorik ez duen erkidego bakarra, Ceuta eta Melillarekin batera, eta legerik ezak zaurgarritasun egoeran jartzen dituela.


Kanal honetatik interesatuko zaizu: LGTB mugimendua
Bizipoza: aniztasun funtzionala, kulturala eta sexuala bistaratzen eta lantzen

Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]


LGTBI pertsonak armairutik ateratzeko beldur dira lantokian

LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.


Sexu bereko pertsonen arteko ezkontza onartu du Greziak

Berdinen arteko ezkontza legeztatzen duen lehenengo herrialde kristau ortodoxoa da.


2024-02-13 | Leire Artola Arin
Trans legea onartu eta urtebetera, 227 pertsonak egin dute aldaketa EAEko erregistroan

Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.


Tefia, homosexualak zigortzeko eremua

Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]


Eguneraketa berriak daude