ARGIA.eus

2020ko urriaren 20a

Euskal Herriko ingurumen gatazkak izango dituzte hizpide Natur Zientzien IV. Topaketan

  • Azaroaren 7 eta 8an iraganen da topaketa Iruñeko planetarioan. Parte hartzeko izen emate fasea irekia dute eta azaroaren 3ra arte iraunen du.

ARGIA @argia
2020ko urriaren 01a

Aldaketa globala Euskal Herrian nola hezurmamitzen den ezagutaraztea dute Natur Zientzien IV. Topaketaren antolatzaileek helburu. Hain zuzen, klima larrialdiaz hitz egiterakoan konkretuki Euskal Herrian ondorioztatu kalteak izanen dituzte aztergai. Bestelako ingurumen gatazkak ere ukanen dituzte hizpide: "Izan ere, tokiko ingurumen arazoak isilpean geratzen dira maiz, klima larrialdiari lotutako mezuen artean estalita". 

Hona hitzaldi zein mahai-inguruen bidez jorratuko dituzten gaiak: lurzoruen erabilera aldaketak; dibertsitate genetikoaren galerak; elikadura burujabetza; aldaketa globala ingurumen hezkuntzan txertatzearen onurak; komunikabideetan ingurumen arazoek duten oihartzuna, eta abar.

Poster bidez ikerketen berri emateko aukera

Natur taldeek, ikerketa taldeek, erakunde publikoek zein naturzaleek haien ikerketen berri emateko aukera izango dute IV. topaketa honetan ere. Poster bidez informatu beharko dute eta parte hartzeko izena urriaren 26a aitzin eman beharko dute. Gogotsu daude antolatzaileak: "Saio irekia dugu, malgua, eta guztion ekarpenekin ziur euskal ikerlarien aurkikuntzen, elkarteen lanen eta tokiko ingurumen arazoen bozgorailu bikaina izanen dela".

Topaketari buruzko informazioa (baita poster saioei buruzkoa ere) www.nztopaketa.eus webgunean jartzen dabiltza antolatzaileak –EuskalNatura elkarteko eta UEUko kideak–.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ingurumena  |  Larrialdi klimatikoa  |  Ekologismoa  |  Iru˝ea

Ingurumena kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude