Euskal Herriko hainbat musika taldek bat egin dute Spotify-ri boikot kanpainarekin
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek darabilen armagintza-enpresa batean 700 milioi dolar inbertitzea.
Palestinar herriaren aurka Israelgo Estatu sionista egiten ari den genozidioa gogortu zen unetik, Euskal Herrian hamaika izan dira eginiko mobilizazioak, azkena larunbatean: 50.000 pertsona bildu ziren Iruñean Palestinar Erresistentzia aurrera Israel desegin lelopean. Boikot kanpainak ere zabaltzen joan dira gurean, besteak beste, EHUk uko egin dio milioika euroko ikerketa proiektu bati, Israelgo Estatua horren parte zelako, eta Espainiako Vueltan geldiarazi zuten. Boikoterako testuinguru horretan, Musikariak Palestinarekin plataforma eratu dute.
Sare sozialetan dagoen plataformak honako hau zabaldu du: "Euskal musikagintzatik ezin dugu onartu Spotify-k armagintzan egindako 700 milioi dolarreko inbertsioa, ezta urteetan musikariek jasandako prekarizazioa ere. Horregatik, gure musika plataforma honetatik kendu eta entzuleak plataforma etikoagoetara bideratzea bilatzen dugu”. Hain zuzen, Daniel Ek Spotify-ko CEOa da eta udaran jakinarazi zen Helsing Defence teknologia enpresan milioika euroko inbertsioa egin zuela. Enpresa horrek, adimen artifizialaren bidez funtzionatzen duten drone militarrak garatzen ditu, eta horiek armada sionistak erabili izan ditu herritar zibilen aurka.
Armagintzako inbertsio horiek zirela medio, eta herri palestinarrari sostengu moduan, hainbat musikarik Musikariak Palestinarekin plataforma sortu zuten abuztu bukaeran. Plataformak gonbita egin zien euskal musika taldeei Spotify-ri boikota egiteko.
Batu diren taldeen artean hauek aurki ditzakegu: Birkit, Bellum, Zero, SDA , Nhil, La Furia, Esanezin, Incense, Karam, Meison, Naxker, Mark Duti, Xutik, Vulk, Mice, Sei Sega, Joseba B. Lenoir, Argazki bat behelainoan, Fermin Muguruza, Daño Dolor, Txoriburuek, Bloñ, Xak, Ibil Bedi, Rodeo eta Habi. Era berean, NorBait hil da Hemen eta Alerta Gorria podcastak ere batu dira. Horietako batzuk dagoeneko utzi dituzte sareak, eta beste batzuk prozesua abiatu dute, edo epea iragarri.
Aipatu beharra dago talde eta podcast horiek guztiak ez dituztela streaming plataformatik euren produktu guztiak kendu. Batzuek etorkizunean ez dutela zabalduko esan dute, eta beste batzuk soilik ekimenera batu dira, azalpen gehiago eman gabe.
La Furia ezizenez ezaguna den Nerea Lorón Díaz rap abeslari nafarrak Garan Spotify-ri gutuna idatzi dio, kritika zuzena eginez. Alde batetik, streaming plataformak musika merkantilizatzen eta artea desbaliotu egiten duela aipatzen du, eta bestetik, aurpegiratzen dio palestinarren aurkako genozidioaren kolaboratzaile izatea: “Gustatu egiten zaizu (artistei) lapurtzen diezun dirua Israelgo Estatu genozidari saltzen dizkioten armak egiten dituzten enpresetan inbertitzea, haiekin herri oso bat suntsitzen ari baitira”. Gainontzeko taldeek antzerako argumentuak zabaldu dituzte sare sozialetan, Musikariak Palestinarekin ekimenera batzeko.
Alabaina, Sopotify-ren alternatibak aurki ditzakegu, batzuk zerrendatzearren, Badok ataria, Deezer, Qobuz eta Bandcamp plataformetan gure talde gustukoak entzuteko aukera dago.
Eta mundu zabalean zer?
Irailaren lehen astean, nazioarteko ikuspegiarekin No Music For Genocide ekimena eratu zen. Musika-industria eta kultura-komunitatea interpelatzen ditu, eta Israelgo Estatuaren aurkako boikot kulturala egiteko deia egin. Hain zuzen, Gazan eta Zisjordania okupatuan egiten ari diren genozidioa, garbiketa etnikoa eta apartheid-egoera, kritikatzen dituzte, baita musika-industriak art-washing edo “garbiketa estetiko” horretan parte hartzen duela ere, diru-interesengatik. Ekimenak zabaldu duenaren arabera, 400dik gora musika taldek eta diskoetxek babestu dute, besteak beste: Massive Attac, King krule, Kneecap taldeek eta Domino Recording Company argitaletxeak.
Elbit Systems enpresa Israelgo arma fabrika handiena eta armadaren hornitzaile handienetakoa da. Mecanocauchoren erabakia “elkartasun internazionalistaren garaipena” dela iritzi dio BDZk.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Nafarroako Gobernuak Israelgo Estatuarekin edozein harreman hautsiko zituela iragarri ondoren, Osasun Sailak adierazi du ez dituela luzatuko Israelgo enpresen hiru farmakoren kontratuak.
Atxilotuek uko egin diote polizia-etxera joateari. Palestinarekin Elkartasuna plataformak eta BDZ Nafarroak babesa adierazi diete ikertutako pertsonei eta mobilizazioak iragarri dituzte atxiloketak gertatzen badira.
Bartzelonako garraio konpainiak klausula bat dauka, betoa jartzen diena NBEko Giza Eskubideen erakundeko zerrendetan dauden enpresei. CAF zerrenda horretan dago, Jerusalemgo trenbideko lanengatik. 39 tren eta 321 milioi euroko kontratua legoke jokoan.
Israel Premier Tech txirrindularitza taldeak datorren denboraldirako “egungo nortasun israeldarretik urruntzera” behartua ikusi du bere burua, Espainiako Vueltan hauspotu ziren protestengatik. Gainera, Sylvan Adams sionista ez da aurrerantzean proiektuaren buru... [+]
Milaka herritar atera dira kalera Euskal Herriko herri askotan Global Sumud Flotillako partaideen bahiketa salatzeko eta agintariei eta gobernuei Israelekin harreman guztiak apur ditzaten eskatzeko. Munduan barrena ere ehunka mila pertsona atera dira protestetara.
Nazio Batuen Erakundeak Israelgo legez kanpoko kokalekuetan negozioak egiten dituzten enpresen zerrenda berritu du. 68 lantokiren izenak gehitu ditu, eta tartean dago CAF. Beasaingo enpresak egun bat lehenago argitaratutako agirian zioen Jerusalemgo tranbiak “giza... [+]
Nazioarteko ontzidiak larrialdiko prentsaurrekoa deitu du asteazken goizean, “arrisku eremuan” sartu berritan. Itsasontzietan dauden kideek “intimidazioa” eta “gerra psikologikoa” salatu dituzte Israelen eskutik. Albanese NBEko errelatore... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Azken aste eta hilabeteetan CAFek jasotako presioaren aurrean, enpresak agiria atera du eta berretsi du Jerusalemgo tranbiak giza eskubideak aintzat hartzeko parametro guztiak betetzen dituela, eta proiektuarekin aurrera jarraituko duela.
Hogei urte bete ditu Palestinako eskubideen aldeko Boikot, Desinbertsio eta Zigorrak (BDS, ingelesezko siglekin) nazioarteko mugimenduak. Omar Barghouti BDS mugimenduaren sortzaileetako bat da. Urteurrenaren harira, hitzaldia eman zuen AEBetan. Europe Solidaire Sans... [+]
FINANTZAK ETA INDUSTRIA
AXA
Frantziar aseguru enpresak Israelgo bankuei dirua mailegatzeari utzi zion 2024ko abuztuan, DBZ eta Ekō elkarteen urtetako kanpainaren ostean.
Sidenor
Israelgo armadari altzairu militarra saltzen zion Euskal Herrian egoitza... [+]