Euskal Herriko Eskolarteko Txapelketa larunbatean Orion
Ekainaren 22an jokatuko da Euskal Herriko XXV. Eskolarteko Txapelketa, Orioko kiroldegian (ikus eskuorria). Goizeko saioan (11:00etan hasita) 14 urtera artekoak lehiatuko dira, taldeka. Arratsaldean (15:30etan), berriz, 15-18 urtekoak, banaka. Ikastolen Elkarteak eta Bertsozale Elkarteak antolatua, aukera paregabea da biharko plazetan ikusiko diren bertsolarietako batzuen lehengaia ezagutzeko, eta euskalkien aberastasunaz gozatzeko.
14 urte arteko partaideak
Bizkaitik Ekialdeko taldea arituko da: Iruri Altzerreka (Garai), Antxon Uriguen (Gernika) eta Bittor Altube (Abadiño). Gipuzkoatik Zarauzko taldea: Ione Makazaga, Irati Tolosa, Ane Peñagarikano eta Libe Goenaga (Getaria). Nafarroatik Leitzako taldea: Xabat Ilarregi, Oiher Altzelai eta Joanes Ilarregi. Arabako taldea da jendetsuena: Beñat Cano (Dulantzi), Unai Etxenausia (Aramaio), Mikelts Jausoro (Ozeta), Aroa Arrizubieta (Gasteiz), Ibai Martin (Gasteiz), Lexuri Gonzalez de Heredia (Gasteiz), Ainhoa Barrio (Gasteiz), Aitor Ugarte (Aramaio) eta Martin Abarrategi (Aramaio). Lapurdi-Baxenabarretik Kanbo-Xalbadorreko taldea ariko da: Oier Urreizti (Bidarrai), Hodei Renteria (Baiona) eta Julen Bellan (Baiona).
15-18 urte arteko partaideak
Arabatik sailkatuak: Peru Abarrategi (Aramaio) eta Iñaki Tena (Gasteiz). Bizkaitik Txaber Altube (Abadiño) eta Ander Gerrikaetxebarria (Zornotza). Gipuzkoatik Mikel Iturriotz (Urretxu) eta Gema Urteaga (Beasain). Lapurditik Ortzi Murua (Azkaine) eta Aitor Servier (Azkaine). Eta Nafarroatik Mikel Lasarte (Barañain) eta Maddalen Lopez (Lesaka).
Herrialde bakoitzak bere izaera
Herrialde bakoitzetik hautatzen dira Euskal Herrikoan ariko diren ordezkariak. Eta herrialde bakoitzak bere moldea du horretarako. Hona bereizgarriak:
-Ipar Euskal Herrian, aurten lehenengoz ez da lehiarik izan 14 urte arteko gaztetxoetan. Euskal Herrikoan parte hartu nahi zutenekin osatu da taldea. Txapelketaren ordez bi festa handi egin dituzte Seaskako ikasleekin: Miarritzen maiatzaren 24an (400 ikasle bildu ziren bertan, eta giroa alaitzen aritu ziren Amets Arzallus eta Sustrai Colina, Oskar Estangak musikaz lagunduta). Bigarren festa Gabadin eginzuten maiatzaren 31n (300 ikasle bildu ziren Joanes Etxebarria eta Miren Artetxe aritu ziren Oskar Estangak musikatuta). 15-18 urte arteko gaztetxoen finala Bertsu-Eskolen Egunaren barruan jokatu zen.
-Araban ere 14 urtera artekoekin ez da lehiarik egin eta Euskal Herrikoan parte hartu nahi dutenekin osatu dute taldea. 15-18 urte artekoen kanporaketak bailarako bertso eskolen topaketetan jokatu ziren eta finala berriz Legution, ohiko formatuan.
-Nafarroan Bertso Eskolen Egunaren barruan jokatzen da 14 urtera artekoen finala. 14-18 urte artekoek berriz, bertso merenduan jokatu zuten finala, Zaldiko Maldiko elkartean. Urko Lazkoz eta Xabier Silveira ere aritu ziren gazteen aurrean kantari.
-Bizkaian eta Gipuzkoan launa kanporaketa eta finala jokatu dituzte, txikien (14 urtera arte) eta handien (15-18 urtekoak) mailan.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Maiatzaren 8an hasiko da Bizkaiko Bertsolari Txapelketako sailkapen fasea. Zortzi saio bikoitz jokatuko dira maiatzeko eguenetan. Sarrerak eskuragai daude bertsosarrerak.eus atarian.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]