Euskal Herriko Ekonomia Eraldatzailearen Lehen Topaketa Hendaian

  • OlatuKoop ekonomia eraldatzailearen sareak hainbat eragile sozioekonomikorekin batera antolatu du lehen topaketa, elkar ezagutza helburu. Ostiralean goiz osoko jardunaldia izango da.

ARGIA @argia
2019ko ekainaren 20a

Ekonomia eraldatzailearen inguruan saretzeko urtero OlatuKoopek egin ohi duen batzarra, aurten Euskal Herriko Ekonomia Eraldatzailearen I. Topaketa bihurtu dute eta goiz osoko jardunaldiarekin eramango dute aurrera Hendaiako Autoportuaren Salan. Topaketa Ipar Euskal Herriko hainbat eragilerekin batera antolatu dute, hala nola Hendaiako Herriko Etxeko enplegu zentroa, Andere Nahia elkartea eta Atelier Lan Berri kooperatiba.

Besteak beste, jardunaldian Euskal Herriak lurralde gisa dituen beharrez eta ekonomia eraldatzaileak zertan lagundu dezakeen aztertuko dute, Gaindegiak egindako azterketaren bidez. Horrez gain, mugaz gaindiko lan-mugikortasunari buruzko tresna digitala sortzeko proiektua ere aurkeztuko dute eta hainbat eztabaida edo mahai-inguru izango dira, tartean teknologia kooperatibez eta banaketa ibilbide laburrez.

Topaketa 9:30ean hasiko da eta parte hartzeko OlatuKoopen webgunera jo daiteke.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia eraldatzailea  |  Hendaia

Ekonomia eraldatzailea kanaletik interesatuko zaizu...
Azkenak
EGILEA
Eguneraketa berriak daude