Bizimiņak antzezlana

"Euskal Herrian gatazka armatuak utzi dituen min guztiak azaleratzen ditugu oholtza gainean"

  • Bizimiñak ikuskizuneko sortzaile Itziar Elias (Azkoitia, 1980) aktoreak azaldu ditu musika, antzerkia eta marrazkigintza lanaren nondik-norakoak Apirilaren 20an Laudioko Laudioalde aretoan izango dira, 19:00etan.

Aiaraldea.eus @aiaraldea  |  Txabi Alvarado Baņares
2018ko apirilaren 20a
Maddi eta Dani Irazokirekin batera igoko da Itziar Elias Laudioaldeko oholtzara. Argazkia: Abar Aranburu

Musika, antzerkia eta marrazkigintza uztartu dituzue antzezlanean. Zer kontatu nahi izan duzue hiru diziplina horiek baliatuta?

Performance moduko zerbait da. Aipatutako hiru esparru horiek uztartzen ditu: antzeztu bitartean Maddi Irazokik zuzenean margotzen dut eta Dani Irazokik musika jotzen du zuzenean. Euskal Herrian gatazka armatuak utzi dituen min guztiak azaleratzen ditugu oholtza gainean. Gai hori hartzen dugu epizentro moduan, min guztietan barrena bidaiatuaz. Ez da antzezlan bat, ez baitu hasiera bat, korapilo bat eta bukaera bat. Ez da istorio bat, istorio asko baizik, esketx txiki formatuan kontatuta.

Hiru pertsonen bizitzaren testigantzak jasotzen ditugu. Walkman batean jarritako kasete batetik entzuten da euren ahotsa. Preso baten alaba da lehena, ETAren biktima baten semea bigarrena eta ETAko kide ohi bat, aldiz, hirugarrena. Euren bizi-esperientziak eta bizimiñak kontatzen dira audioetan.

Nolakoa izan da obra osatzeko prozesua?

Antzezlan honetan garrantzitsua izan da eginiko prozesua. Hainbat elkarrizketa egin ditugu, alde bateko eta bestekoekin, mugaren alde batean zein bestean. Jende asko ezagutu eta entzutea izan da prozesuaren zatirik garrantzitsuenetako bat.

Argi geneukan gaia orokorrean hartu nahi genuela. Ez genuen zati edo alderdi batean geratu nahi, denena entzutearen garrantzian ibili gara, errespetuz betiere. Pertsonen istorioak entzutea, eta ez ideologiena. Bakoitza pertsonatik hartuta nola bizi izan duen gatazka, hori da guk lortu nahi genuena.

Mina kontzeptu gisa landu duzue, beraz.

Bai, mina pertsonatik entzun dugu. Dena albo batera utzi eta pertsonak ikusi ditugu. Argi ikusten genuen Euskal Herri txiki honetan etxe guztietako leihoetan zegoela gertaera bat, batzuk oso gertutik eta beste batzuk urrutiagotik, baina denek ezagutzen genuela norbait edo gertaera baten bat bizia genuela. Pertsona horren ideologia alde izan edo ez, pertsonaren istorioa entzun nahi genuen, hori azaleratzearen garrantzia nabarmenduaz. Hori izan da prozesuaren oinarria: elkarrizketa horiek batzea eta gure sentsazioak gehitzea, gure bizipenekin eta kultur-adierazpenekin batera.

Gai arantzatsua da oso. Zer nolako harrera izan du lanak orain arte?

Polita izan da, oso politak izan dira orain arte jaso izan ditugun erreakzioak. Jendea hunkitu egiten da, oso gurea den gaia delako, denok bizi izan duguna, alde batetik edo bestetik. Sarritan, bizi izan ez duen zati horrek hunkitzen du ikuslea gehiago.

Badaude gauza deigarri asko. Maddik egiten duen margolana, adibidez, aldiro da ezberdina. Ez dut beti gauza bera margotzen, emanaldi bakoitzean dituen sentsazioen arabera aritzen da. Esan genezake antzezlana bera ezberdina dela herri bakoitzean.

Antzezlanak oroimena jorratzen du, eta musikaren alorrean ere hori lantzen du, gure oroimenean dauden musika horiek oholtza gainera ekarriaz. Horrez gain, antzezlanerako espresuki sortutako konpozisioak ere daude.

Aipatzekoa da baita ere batzuetan ikusleek esaten dutela oso gogorra dela taularatutakoa, guk gertutik bizi izan ditugunean halakoak. Ahaztu zaigunaren seinalea da hori. Gu bagenuen beharra gai honen inguruan hitz egiteko eta horretarako momentu polita zela ikusi genuen. Badago horretarako beharra, batzuetan oroimena manta-azpian sartu dugula dirudi eta.

Elkarrizketa hau Aiaraldeak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Antzerkia  |  Laudio

Antzerkia kanaletik interesatuko zaizu...
2018-11-14 | ARGIA
Xalbador Garmendia idazle eta euskaltzaina hil da

Idazlea, hizkuntzalaria eta itzultzailea zen Xalbador Garmendia, eta arlo horietan lorratz luzea utzitakoa. Zaldibian jaioa 1932an, 86 urterekin hil da Anoetan. Besteak beste, hainbat aldizkaritako hizkuntza arduradun izan zen eta euskara batuaren sorreran ekarpen garrantzitsuak egin zituen.


Zanbuia
MULTIMEDIA - Antzezlana

Metrokoadroka Sormen Laborategiak 2018ko Eako Poesia Egunetarako propio sortutako ´Zanbuia´ antzezlana. Kultur Shareak zabaldu du.

“Non hasten da amaiera bat? Non amaitu hasiera bat? Zer gertatuko litzateke amaiera oro zerbaiten hasiera balitz? Eta hasiera oro amaiera bat?”, galdera horiekin guztiekin eman zion hasiera Oier Guillan aktoreak Zanbuia antzezlanari joan den uztailean, Eako Poesia Egunetan.

Poesia topaketa hauen ekimenez hamalau sortzailek astebete eman... [+]


2018-10-26 | Kanaldude.tv
Andere serora pastoralaren laburpena
MULTIMEDIA - ekitaldia

Andere Serora pastorala eskaini zuten ekainaren 3an Hiriburun. Erdi Arotik bi gerlen erditsurarteko Hiribururen historia kondatzen du pastoralak, herri gehienetan izan diren Andere Seroraren begietatik. 150 pertsona izan dira taula gainean, Pantxika Urruty-ren gidaritzapean. Hona hemen laburpen bat.


"Gariaren matxinada" oinarri hartuta, herri-antzerkia egingo dute Azpeitian larunbatean

1766. urtean, jauntxoek gariaren prezioa igo zutelako, herri matxinada antolatu zen Azkoitian eta Azpeitian. Gertakari horretan oinarritutako Matxinada antzezlana estreinatuko dute larunbatean Azpeitiko Soreasu antzokian. Imanol Elias zenak idatzi zuen testuan oinarrituta, lehen aldiz taularatuko dute.


Nerea Arriola. Txantxarik ez umorearekin
"Umorearen izenean ez dira gauzak banalizatu behar"

Sarritan gertatu zaio Nerea Arriolari; azkena, uda honetan bertan: ezezagunak hurbildu zaizkio, zaleak, bera zelakoan Idoia Txoperena, Supertxope, euskal youtuber sonatua. Hura, baina, kanpaina politiko baterako propio pentsaturiko pertsonaia zen [Hiru Damatxo ideia faktoriak egin zuen kanpaina, Sortu alderdiarentzat]. Arriola, berriz, Supertxope gorpuztu zuen aktorea dugu. Eta erizaina. Eta bakarrizketa-egilea. Eta…


Miren Gaztaņaga. Hemen eta orain, aktore
"Antzerkia egiten hasi nintzenean ez nekien hori hautatzen ari nintzenik bizibide moduan"

Antzerki fisikoan eta dramaturgia ez-konbentzionaletan zaildu zen Miren Gaztañaga; azken asteotan, ordea, teatro-testuak ikasi eta ikasi dabil. Hedda Gabler eta Lady Macbeth gorpuztuko ditu aurki Arriagako oholtzan. Pozik ari da, orain arte ez omen du-eta halako obra klasikorik egin. 20 urtetako ibilbidearen ostean, badu nahikoa indar desafio berriei heltzeko.


2018-09-23 | Oier Guillan
Norbaitek batuko dituen esperantzarekin

Ez ditut oroitzen bizitza aldatu didaten uneak. Lausotzen ari zait atera ez ditudan argazkien oroitzapena. Ezin dut nire liburu faboritoetako pasarterik buruz esan. Ez naiz gehien inpaktatu nauten filmetako dialogo bakar bat ere errepikatzeko gai. Haietako bakoitzak utzi zidan arrastoa oroitzen dut soilik, azalean biziraun didan sentsazio orokorra.

Eulia ari du oroimenean: memoria selektiboa da, beti. Bizitakotik behin eta berriz azpimarratzen, kontatzen, birkontatzen ez dena ez omen da... [+]


Manex Fuchs
"Zailtasunean, bortxaz gauza onak sortzen dira jendeen artean"

Manex Fuchs (Larzabale, Baxenabarre, 1975) euskal aktorea da. Le Petit Théâtre de Pain antzerki taldean luzaz egon ondoren, Ximun anaiarekin batera (aktore-taula zuzendari), bi erronka berri dituzte orain jomugan: antzezlanak euskaraz sortzea eta euskal zinema lau haizetara hedatzea.


2018-07-22 | Mikel Asurmendi
Oier Guillan: "Arrakasta jendearekin komunikazioa lortzea da, horretarako egiten dugu lan"

Donostiako Larratxo auzoa, 1975. Oreretako Mikelazulo kultur elkarteko eta Metrokoadroka kolektiboko kidea. Kazetari, idazle eta antzerkigilea. Zauri Bolodia saioa (Txalaparta) eskuetan mintzatu gara, antzerkiaz bereziki: “Guk egiten dugun teatro motak bestelako irakurketa eskaintzen duelakoan nago. Liburuko Jota lagunak dioenez, ‘edonork dauka oholtza gainean aritzeko eskubidea’. Areago, gure antzerkia amateurra edo profesionala dikotomiaz harago doa”, erran digu... [+]


2018-07-04 | Usurbilgo Noaua
Usurbildarrek erraustegiaren aurkako parodiarekin amaitu dituzte festak (bideoa)

Usurbildarrek ozen oihukatu dute “Ez, ez, ez, errausketarik ez!”, jaien amaieran. Azken trakaren aurretik, festak hasi bezala amaitzeko tartea hartu da aurten. Urte luzez, herrian haserrea eta kezka eragiten segitzen duen erraustegiaren aurkako parodia batekin.


Azkenak
EGILEAK
Eguneraketa berriak daude