Giza Eskubideen aldeko Europako Abokatuek Sareren manifestazioa babestu dute

  • Demokraziaren eta Giza Eskubideen aldeko Europako Abokatuek (ELDH) bat egin dute Sarek larunbatean Bilbon egingo duen manifestazioarekin. Azpimarratu dute “beharrezkoa” dela presoei legea modu arruntean aplikatzea, bake eta adiskidetzearen alde.


2024ko urtarrilaren 12an - 09:28

Sarek Bilbon datorren larunbatean egingo duen manifestazioari babesa adierazi diote ELDH-ko kideek, Naizek plazaratu duenez. Komunikatu baten bidez, presoen aldeko manifestazioaren alde egin dute abokatuek, eta adierazi dute ETAk duela hamabi urte baino gehiago eman zuela amaitutzat bere jardun armatua. Halaber, abokatuek azpimarratu dute "bertan behera" utzi behar direla euskal preso politikoei eragiten dieten salbuespenezko neurri legalak, “ezinezko” bihurtzen dutelako askatzeko edozein aukera.

ELDHk azpimarratu du euskal presoek ez dutela bermatuta legeria arruntaren onurak jasotzeko eskubidea, eta 40 urteko espetxealdia betetzen ari direla aldez aurretik askatzeko itxaropenik gabe: “Gaur egungo 142 euskal preso politikoetatik 45ek zigorren hiru laurdenak bete dituzte, eta aske gera daitezke legeria arrunta aplikatuko balitz”.

Abokatuek eskatu dute euskal preso politikoei legea "modu arruntean" aplikatzea, eta baliogabetzea aspalditik aplikatzen zaizkien salbuespenezko neurriak: “Legedia berrikusi eta aplikatu behar da, Euskal Herriko bake eta adiskidetze testuinguru berriarekin batera”.

Halaber, ELDHk Euskal Herrian egindako “aurrerapenak” nabarmendu ditu: “ETAren desegiteak, alderdi politikoen legeztatzeak eta euskal presoak sakabanatzearen aurkako politikek bake iraunkorrera hurbildu dute Euskal Herria”.


Kanal honetatik interesatuko zaizu: Euskal preso politikoak
Sortuko sei kide epaituko dituzte euskal presoei "ongi etorri" ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


Eguneraketa berriak daude