Etxerik gabeko emakumeentzako aterpetxea itxiko dutela salatu dute Barakaldon
Argitan Emakumearen Aholku Etxeak salatu duenez, Barakaldoko Udalak behin betiko itxiko du etxerik gabeko emakumeentzako aterpetxea. Urtarrilean sortu zuten baina pandemiaren etorrerarekin martxotik aurrera ateak itxita izan ditu. Etxerik gabeko pertsonei irtenbide "duina" emateko eskatu diote Udalari.
Agiri baten bitartez, Argitan-ek adierazi du Barakaldoko udal gobernu taldeak (EAJ eta PSE) koronabirusak baliatu dela "etxerik ez duten emakumeentzat zegoen babesleku bakarra kentzeko, eta, beraz, berriro kalean bizitzera bultzatzen ari dira".
Martxoaren amaieran Udalak Lasesarreko kiroldegian alarma egoerari aurre egiteko sortu zuen aterpetxea laster itxiko delako etorri da Argitan-en salaketa; 36 gizon eta 5 emakume daude han, gutxienez bi emakumek "indarkeria matxista jasateko beldurrez" alde egin ostean.
Ekainaren 10ean Lasesarrekoa itxi eta lehengo aterpetxea irekiko dute, "28 pertsona hartzeko ere ez da lekurik, COVID-19-aren ondorioz segurtasuna distantziak mantendu behar direlako".
Gogorarazi dutenez, "behin eta berriz" eskatu izan dute, bakarrik emakumeentzat den pisu-aterpetxea berriro irekitzeko, "martxoan itxi baitzuten, ustez aldi baterako, COVID-19ko berrogeialdia aitzakiatzat hartuta". Udalak ez duela ezer egin, gaineratu dute .
Barakaldoko Udalari eskatu dio "irtenbide duina eskain diezaiela Barakaldoko etxerik gabeko pertsona guztiei, inolako diskriminaziorik gabe eta erantzukizuna beste erakunde publiko batzuetara desbideratu gabe".
Argitan elkarteak Barakaldoko emakumeei beren eskubideei buruzko informazioa, aholkularitza juridikoa eta soziolaborala eta laguntza psikologikoa eskaintzen dizkie, doan, duela 23 urtetik. Zentroak aldez aurretik hitzordua eskatuta funtzionatzen du, 944 782 102 telefonoaren bidez.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]