‘Etxerako bidean’ kanpaina abiatu du Sarek
Espainiako Estatuak bideratu sakabanaketa politikak eragindako sufrimendua gogora ekarririk, gaur egungo testuinguru politikora egokituz euskal presoak etxeratzeko kanpaina hasiko duela jakinarazi du Sarek.
'Etxerako bidean' kanpaina berria abiatu du Sarek, euskal presoak etxera ekarrarazteko asmoz. Ekainaren 10 honetan plazaratu dute urrats berri honi buruzko informazioa. Zehazkiago, hona nola ikusten duten etxeratze fase hau:
Hasteko, gaixotasun larriak dituzten presoak, eta 70 urtetik gorakoak berehala etxeratzeko premia azpimarratu dute. Bestetik, espetxe-politika aldatzeko premia ere ikusten dute, aldaketa bideratuz gero preso andana egongo litzatekeelako etxean: bigarren graduan ematen diren baimenak izateko aukera izango lukete askok, legeria arrunta aplikatuta; hirugarren gradua lorturik ere beste asko, kondena erdi-askatasunean betetzeko aukerarekin; eta abar.
1987an abiaturiko euskal preso politikoen sakabanaketa politika gogora ekarri du Sarek, "espetxe-politika gizagabe" baten baitan kokaturiko "zigor krudel" hau gogorki deitoratuz, baina esperantzaz beterik ere, politika hau iraganean kokatzeko testuinguruan dagoelako gaur egun Euskal Herria. Aitzinamenduak gizartearen mobilizazioari esker, ETAk emandako urratsekin eta EPPKk harturiko konpromisoei esker lortu izana azpimarratu dute prentsaurrekoan.
"Penintsularen hegoaldeko kartzelak baino ez dira falta euskal presorik izateari uzteko. Espero dugu egoera hori amaitutzat jo ahal izatea datozen asteetan. Baina urruntze egoerari buruzko aipamen berezi bat egin nahi dugu, egoera hori orokorrean hartuta. Gaur egun, preso asko daude oraindik penintsularen iparraldean sakabanatuta, Euskal Herriko espetxeetan kokatzearen zain. Orduan izango da, euskal presoak lehen aipatutako espetxeetatik ateratzen direnean eta guztiak hemen daudenean, orduan hitz egin ahal izango dugu gure Herrian bizikidetza normalizatzeaz", Sarek azaldu duenez.
Espetxe-politika "berri" bat
Eusko Jaurlaritzak hartzear duelarik espetxe eskumena, espetxe-politika "berri bat", aplikatzeko deia luzatu dio Eusko Jaurlaritzari: "humanista" eta, aurretiaz kasuak banan-banan aztertuta, "askatasunaz gabetzeko zigorren ordez, bizitzen ari garen egoerarekin bat datozen beste batzuk ezartzeko" joera ukango duen espetxe-politika bat. "Gure aldarrikapena da etsaiaren Zigor Zuzenbidean oinarritutako eta iraganeko garaietarako diseinatutako salbuespeneko espetxe-politika amortizatzea, eta lege arruntean oinarritutako beste bat aplikatzea. Hala, zigorra eta ordaintze hutsa arauen espiritua eta edukia urratzen dituzten printzipio izatera pasatuko dira, eta, haien ordez, gizatasuna, erreparazioa eta bizikidetza izango dira ardatz", Sarek plazaratu duenez.
Euskal presoak etxeratzeko bidean, elkarrizketa "ezinbestekoa" dela zehazturik, guztiekin hitz egiteko borondatearekin jarraitzen dutela erranez bukatu dute prentsaurrekoa.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]