Etxebide eta Lanbidek laguntza ukatu diote aniztasun funtzionala duen eta indarkeria matxista pairatzen ari den emakume bati
Berri-Otxoak plataformak eta Argitan elkarteak Etxebide eta Lanbideren krudelkeria salatu dute. Etxebidek etxebizitza eskatzaileen zerrendan inskripzioa egitea ukatu dio emakumeari, eta ondorioz, Lanbidek 3.800 euro erreklamatzen dizkio. Arartekoak erresoluzioa helarazi du, kaltetuaren alde.
Argitan Emakumeentzako Aholku Etxeak eta Berri-Otxoak Gizarte Bazterketaren aurkako eta Gizarte Eskubideen aldeko plataformak salatu egin dute Etxebidek eta Lanbidek Barakaldoko emakume bati emandako tratua. Etxebidek etxebizitza babestu eskatzaileen erregistroan izena ematea ukatu zion, eta ondorioz, Lanbidek 3.800 euro erreklamatzen dizkio emakumeari etxebizitza prestazio osagarriagatik (EPO), berau jasotzeko baldintza baita Etxebiden erregistraturik egotea.
Kaltetuak indarkeria matxista jasateaz gain %57ko desgaitasuna daukala jakinarazi dute, eta honen egoera zaurgarria izanik ere bi zerbitzuek ez diotela laguntzarik eskaini azpimarratu. Are gehiago, emakumea berbiktimizatu egin dutela eman dute ulertzera, seinalatuz administrazio publikoak izandako jarrera ere emakumeenganako indarkeriazkoa izan dela. “Iñigo Urkullu lehendakariari eskatzen diogu aurrerapauso bat eman dezala eta froga dezala ez dagoela zigorgabetasunik emakumeen aurkako indarkeriazko jardueretan, zeinak ez dituzten soilik bikote matxistek burutzen; kasu honetan bezala, dramatikoak diren eta pertsonen bizitza arriskuan jartzen duten egoerak ulertzen eta ulertu nahi ez dituzten administrazio publikoaren partetik ere ematen dira”, adierazi dute.
Etxebideren ukapenak berak emakumeak bizi duen indarkeria matxistari ezikusia egiten dio, erregistroan izen-ematea oztopatu baita bistakoa izan arren emakumeak ezinezkoa zuela “familia-etxebizitzan bizitzea, emakumea genero-indarkeriaren biktima zelako eta erasotzailea bertan bizi zelako”. Egoera hori izanik ere, Etxebidek defendatu du “eskaerak ez duela betetzen aurreko bi urteetan etxebizitzarik eduki ez izanaren baldintza”.
Arartekoak erresoluzioa helarazi du kasuaren gainean, Etxebizitza saileko Bizkaiko ordezkariari hartutako erabakia zuzendu dezan eskatuz. Beren aldetik, elkarte salatzaileek jakinarazi dute mobilizazioei ekingo dietela, jazotako gertaerengatik zigorrak jarri eta kasua zuzentzea lortzen den arte.
“Buruak mozteko” eskakizuna
Berri-Otxoak eta Argitanek azalpenak eta erantzukizunak eskatu dizkiote Eusko Jaurlaritzari, “adiministrazio publikoaren jardun krudelaren” aurrean. Are gehiago, “buruak mozteko” beharraz ohartarazi dute: “Ez da aski zuzentzea, Eusko Jaurlaritzak egitateen bidez frogatu behar du serio hartzen duela matxismoaren aurkako babesa eta borroka, eta horretarako, politikoki buruak moztu behar ditu eta zigorrak ezarri halako jarrerei, bidegabeak, umiliagarriak eta iraingarriak izateaz gain, lotsagarriki eta lotsagabeki berbiktimizatzen baitute genero-indarkeria jasan izanagatik justiziak babestutako emakume bat”.
Honako kasu hau edalontziak gainezka egitea eragin duen tanta dela, baina berez indarkeria matxista pairatu duten emakumeei laguntza ukatzea Lanbidek ohikoa duen jarrera dela ere salatu dute.
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]