Etxe okupatu baten huste saiakerak liskar gogorrak eragin ditu Berlinen
Larunbatean, uztailak 9, “Rigaer 94” eraikin okupatuaren aldeko manifestaziorako deialdia egin zen Berlinen, huste arriskua zela-eta. Protesta baketsua izan zen hasieran baina liskar bortitzekin amaitu zen. Hala ere, Poliziak ez zuen lortu jendeak eraikina uztea, lahaine.org-ren arabera.
aurre egingo dieten hedabide independenteak
Pasa den larunbat goizean jendetza bildu zen eraikinaren hustearen aurka. Manifestazioa gaualdean hasi zen, eta orduan egin zuten eztanda liskarrek. Negarra eragiteko gasa jaurti zuen Poliziak eta manifestariek harri eta botilekin erantzun zuten.
1.800 polizia agente bertaratu ziren manifestazioa hasi bezain pronto, Berlingo Poliziak berak azaldu duenez. Herena Berlin hiriko kanpoaldetik zetorren. The New York Times-ek azaldu du Poliziaren arabera “azken bost urteetako protestarik bortitzena” izan zela larunbatekoa.
3.500 kide izan ziren etxe okupatuaren defentsako manifestazioan kazeta estatubatuarraren arabera (7.000 eta 10.000 pertsona bitartean beste iturri batzuen arabera).
100 atxilotu inguru eta beste hainbat zauritu izan ziren. Friedrichshain auzoa izan zen liskarren eszenatokia, bertan baitago Rigaer kalea. Dagoeneko hainbat etxe hustu dituzte zonaldean.
1999 urtetik dago okupatua “Rigaer 94” Berlinen. Orain, auzoko gainontzeko etxe okupatuen erreferentzia da, informazio puntua.
Sare sozialen bidez zabaldu zuten Rigaerreko etxe okupatuko kideek larunbateko manifestaziorako deialdia, bideo baten bidez. Hemen ikusgai:
(Riot-)Mobivideo für die kommenden Termine rund um die #Rigaer Straße. https://t.co/haLM5zST4X #Rigaer94
— Gefahrengebiet (@NordkiezSupport) 3 de julio de 2016
Liskarren bideo ugari ikus daitezke sare sozialetan:
Argazki gehiago hemen ikusgai.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]