ETSk 1,2 milioi euro esleitu zizkion Sener enpresari kontratua lizitatu aurretik, EH Bilduk salatu duenez
Euskal Trenbide Sareak azterlan bat lizitatzeko baldintza teknikoen pleguaren dokumentuan Sener enpresaren izena ageri zela salatu du EH Bilduk. Koalizio abertzaleak notario aurrean ziurtatu zuen lana enpresa horri esleituko zitzaiola, eta halaxe egin zuen ETSk.
EH Bilduko legebiltzarkide Josu Estarrona eta Unai Fernandez de Betoñok ETSk Araba, Bizkaia eta Gipuzkoako trenbide sareko azterlan bat esleitzeko orduan egindako ustezko irregulartasunak salatu dituzte ostegun honetan.
ETSk 1,2 milioi euro esleitu zizkion joan den maiatzean Sener enpresari lehiaketa publiko baten bidez, baina EH Bilduko ordezkariek azaldu dutenez otsailetik zekiten hala izango zela eta notario aurrean ziurtatu zuten gainera. Otsailaren 2an Jaurlaritzaren sozietate horrek publiko egindako lizitazioan, baldintza teknikoen pleguaren dokumentuan (pdf) "contrato sener" ageri zela baieztatu dute legebiltzarkideok: "Antza, pdf-aren metadatuak ezabatzea ahaztu zitzaien eta dokumentuaren propietateetan argi agertzen da informazio hori", esan du Unai Fernandez de Betoñok. Areago, uste dute dokumentu horietan agertzen diren pertsonaren lehen hizkiak Sener enpresako langile batenak direla.
Euren ustez, horrek frogatzen du lizitazioa "ad hoc" egina zegoela Sener enpresaren zerbitzuak kontratatzeko, eta lanak modu irregularrean esleitu zituela ETSk 1,2 milioi eurotan (hasierako lizitazioa 1,5 milioi eurokoa zen), aurrez jakinda zeini emango zion dirua. Lizitaziora sei enpresa aurkeztu ziren, eta hain zuzen Senerrek irabazi zuen lehiaketa, nahiz eta objektiboki puntuazio baxuagoa izan, irizpide sujektiboen ondorioz.
"Zantzu guztien arabera, plegua ez du Eusko Jaurlaritzak egin, Sener enpresak baizik, hori horrela gertatu bada ez da batere normala, berdintasun printzipioa urratzen baitu", esan du Fernandez de Betoñok. Hain justu, legebiltzarkideak gogorarazi du duela gutxi Espainiako Estatuko Merkatu eta Lehiaren batzordeak, CNMCk, 22 aholkularitza enpresa zigortu dituela kontratu publikoetan iruzurra egiteagatik, 6,3 milioi euroko isuna ipinita kartel moduan aritzeagatik.
"Kasu hau konfirmatuko balitz, oso larria litzateke, frogatuko luke CNMCk zigortu dituen iruzurrezko praktikak nahiko hedaturik daudela kontratazio publikoetan, administrazio, instituzio eta arduradun politiko batzuek praktika horiek ezagutzen dituztela eta konbinentzia gradu bat dagoela", azaldu du Josu Estarronak. Hala, Iñaki Arriola Eusko Jaurlaritzako Garraio sailburuari azalpenak eskatuko dizkiotela iragarri dute.
ETS: "Plegua zaharra zen"
Salaketa horren aurrean Euskal Trebide Sareak oharra kaleratu du, EiTBk bere webguneko gaztelaniazko edizioan argitara eman duenez, eta azaldu du dokumentuak aurreko "plegu zahar batean" oinarritua zegoelako zuela izen hori eta "barruko akats bat" baino ez dela izan.
Gainera, dokumentuak ageri diren lehen hizkiak ETSko arduradun batenak direla ziurtatu du, eta ez Senerreko langile batenak, talde parlamentario abertzaleak esan duen moduan. Hala, EH Bilduri egotzi dio "ondorio interesatuak" ateratzea.
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Parte Zaharrean Bizi auzo elkarteak irregulartasunak salatu ditu Parte Zaharreko lizentzia askoren harira, baita salatu ere "onuraduna" ostalaritza dela "beti". Azalpenak eta ardurak eskatu dituzte.