Italiako gobernu koalizioaren akordio-zirriborro batek eurotik irtetea eta Errusiaren aurkako isunak bukatzea aurreikusten du

  • Lega Nord (LN) eta Movimento 5 Stelle (M5S) alderdi italiarrek gobernua osatzeko akordioaren zirriborro bat argitara atera da. Eurotik ateratzeko plan bat jasotzen du dokumentuak, “beharrezkoa balitz”.

Maddi Txintxurreta @mtxintxurreta
2018ko maiatzaren 16a
Matteo Salvini, Legako senataria (Arg: casoaislado)

Bestalde, Ministro kontseiluarekin paraleloan jardungo lukeen organismo bat sortzea ere aurreikusten da dokumentuan. Organismo horrek eragingo luke alderdi biek erabaki politiko lotesleak hartzeko aukera izatea. Horrez gain, Europako Banku Zentralak Italiako zorra barkatzea lortu nahi dutela agertzen da zirriborroan.

Huffington Post-ek argitaratu du dokumentua. Aipatutakoaz gain, erakusten du bi alderdi italiarrek Errusia kide ekonomiko eta komertzialtzat jotzen dutela, eta eskatzen dutela “Errusiari ezarritako isunak segituan baliogabetzea”.

Legak immigrazioaren aurkako politikak bultzatu nahi ditu, Matteo Salvini senatariak argi utzi duenez: “Guk immigrante gehiegi hartu eta mantendu ditugu, orain legezkotasunaren, segurtasunaren eta pertsonok jatorrizko herrialdeetara itzultzearen momentua da”. Gai horretan izaten ari dira diferentzia nabarmenenak LNren eta M5Sren artean. Europar Batasunak ere esku hartu du auzian, bi alderdiak presionatuz asteazken honetan La Stampa egunkariak kontatu duenez

Zirriborroaren sortzaileek filtratutako informazioa ukatu dute, esanez dokumentua orain bost urte idatzi zela. Alabaina, Público hedabideak baieztatu du dokumentua orain bi egunekoa dela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Italia  |  Errefuxiatu krisi globala

Italia kanaletik interesatuko zaizu...
30 hildako Italian, eguraldi denboraleak eraginda

Igandean Siziliara iritsi zen borraska, eta Palermo eskualdean eragin zuen okerren; 12 hildako, ibaiak gainezka egin eta etxeetara ura iritsi ondoren. Astebeteko epean, jada 30 hildako zenbatu dituzte.


2018-10-18 | Axier Lopez
Netflix-ek Italiako tortura kasu bat argitzen lagundu zuenekoa

10 urteko isiltasun eta ukazioaren ostean, Italiako Stefano Cucchiren hilketaren kasua argia ikusten hasi da. Polizia batek gazteari egindako torturak berretsi ditu orain, eta horretan, Sulla mia pelle filmak ere badu zeresana.


2018-10-10 | Zero Zabor
Bi istripu larri Italiako erraustegietan: hildako bat eta zauritu bat

Aste honetan, ordu gutxiren tartearekin, bi istripu larri gertatu dira Italiako bi erraustegitan, Reggio Emilia ondoko Sesson eta Comon.


Europako mugen militarizazioa eta portuen itxiera salatu ditu Mugak Zabalduz karabanak

Mediterraneo itsasoan hildako pertsona migratzaileak omendu zituen Mugak Zabalduz karabanak eguenean, hilaren 19an. Horretarako, talde bitan banatu ziren ekintzaileak. Lehenengoak Cataniako portuan bertan ekintza berezi bat egin zuen; besteak, berriz, Pozzaloko portuan dagoen barneratze-zentroaren kanpoaldean. Ondoren, arrastian, Europako kanpo-mugak zelatatzen dituen Frontex agentziaren kontrako manifestazioa egin zuten Catanian, bertako hainbat eragilegaz batera.


2018-07-18 | Hiruka .eus
Domenico Guarini
"Migratzaile hauek ez dira hil, erail dituzte"

Palermoko Rotoli hilerria bisitatu zuen hilaren 17an Mugak Zabalduz Karabanak. Bertan, Mediterraneo itsasoan hildako pertsona migratzaileen memoria gorde gura dute Siziliako hiriburuko hainbat elkartek. Ekitaldi xume batean, 2015eko abuztuaren 5ean naufragio batean hildako 57 pertsona omendu ditu Karabanako ordezkaritza txiki batek.


2018-07-16 | Hiruka .eus
Ventimigliako manifestazio jendetsuan parte hartu du Mugak Zabalduz Karabanak

Italiako, Frantziako eta Mugak Zabalduz Karabanako 4.000 pertsonatik gorak parte hartu zuen atzo Ventimiglian (Italia) egindako nazioarteko manifestazioan. Horretan, migranteek europar bizileku-baimena eskuratu ahal izateko eskubidea aldarrikatu zuten, besteak beste.


2018-07-12 | Jon Torner Zabala
FIATeko langileak greban, Juventusek Ronaldo fitxatu duela-eta

FIAT konpainiak Italia hegoaldean duen fabrika bateko langileak grebara deitu ditu USB sindikatuak, salatzeko Agnelli familiak 300 milioi eurotan fitxatu duela Cristiano Ronaldo futbolaria, eurei "sakrifizio ekonomiko handiak" eskatzen dizkietenean.


Azkenak
EGILEA
Eguneraketa berriak daude