ETAren azken atentatutik zortzi urte pasata, ezohiko polizia kopurua dauka Espainiak oraindik EAEn
2.369 Guardia Zibil, 1.481 militar eta 1.317 Espainiako Polizia: EAEn Espainiako Estatuak dituen indar armatuen kopurua da. Marian Beitialarrangoitia EH Bilduren Madrilgo diputatuak egindako galdera bati erantzunez eman ditu datu hauek Espainiako Gobernuak.
2017ko urriko datuak dira. Hain justu Espainiako indar armatuen zati handi bat Katalunian kruzeroetan lo eginez zebilen garaikoa. Guztira 5.167 Espainiako polizia edo militar daude Araba, Bizkaia eta Gipuzkoan. 2.369 Guardia Zibil, 1.481 militar eta 1.317 Espainiako Polizia.
Bizkaia da indar armatu gehien dituen herrialdea, 1.082 Guardia Zibil eta 581 Espainiako Polizia. Gipuzkoan, 802 Guardia Zibil eta 470 Espainiako Polizia daude egun. Araba da Espainiako indar armatu gutxien dituen herrialdea, 485 Guardia Zibil eta 266 Espainiako Poliziarekin. EAEn dauden 1.481 militarren datuak ez ditu herrialdeka eman Espainiako Gobernuak, “segurtasun kontuak direla eta”.
Urriko datuez gain, azken hamar urteetan izandako bilakaeraren berri ere eman du Madrilek. 2008tik hona, 480 Guardia Zibil eta 105 Espainiako Polizia gutxiago daude, Araba, Bizkaia eta Gipuzkoan. Azken bi urteetan mantendu egin da EAEn dauden Guardia Zibil kopurua, aurreko urteetan pixka bat gutxitu bazen ere.
EH Bilduk Espainiako indar armatu eta polizialak, behin betiko Espainiara itzularaztea eskatu du. Koalizioak Twitter bidez gogora ekarri du EAEn 1.000 biztanleko ia zazpi polizia agente daudela, Europako beste herrialdeetan baino askoz gehiago.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Sanferminetan 1978ko inpunitatea salatzeko balkoietan jarritako pankarten ardura bere egin du kolektiboak, eta "estatua kalumniatzeagatik" deklaratzera deitutako herritarren kontrako diligentziak ixteko eskatu.
Polizia Nazional batek eraso egin zion. Kolpeak eman zizkion sudurra hautsi arte. Gainera, ihes egiterakoan laban bat erori zitzaion.
Sudurra puskatuta dauka eta hainbat kolpe ditu aurpegian Jordi Borràs El Mon egunkariko foto-kazetariak. Jordi Borràs ARGIAko kolaboratzailea da eta Kataluniako argazkiak berak ateratzen ditu.
ETA deseginda egon arren Espainiako poliziak bazterketa soziala pairatzen jarraitzen duela adierazi du SUP polizien sindikatuak Publiko egunkarian.
Espainiako Poliziak Komando Autonomo Antikapitalistetako lau kide hil zituen 1985ean. Oraindik justizia egin gabe, Espainiako Estatuak ezkutarazi nahi izan duen hilketari buruzko kontakizuna eskaintzen du film honek.
Oinatzak Produkzioak-eko Yuri Agirre, Erik Aznal eta Xabier Otamendiren lana, On Produkzioakeko Iban Toledo kameralaria, Olaia Sanchez soinu teknikaria eta Izeia Urdanpilleta makilatzailearen laguntzarekin.
Begoña Zabala (Algorta, Basque Country, 1950) reached Iruñea in 1977 and was a first-hand witness of the police attack in the bullring and outside it. She is a lawyer by profession, a member of the committee for establishing what took place, and she has worked on the legal side of the matter. She took a very active part in the feminist movement in the 1970's, and has just published the book Feminismo, Transición y Sanfermines del 78 ('Feminism,... [+]
Iruñera 1977an iritsi zen Begoña Zabala (Getxo, Algorta, 1950) eta lehen lerrotik bizi izan zuen zezen plaza barruan zein kanpoan 1978ko Sanferminetako poliziaren erasoa. Abokatua lanbidez, gertaera haiek argitzeko adituen ikerketa batzordeko kide da eta alde juridikoa landu du. 70eko hamarkadatik mugimendu feministan buru-belarri aritutakoa, Feminismo, Transición y Sanfermines del 78 liburua kaleratu berri du.
Bideoa sareratu du Oñatiko Fan Hemendik ekimenak, Espainiako eta Frantziako poliziak eta armadak Euskal Herritik joan daitezen lan egiten ari den mugimenduaren ibilbideaz. Ekainaren 30ean 2018ko Fan Hemendik eguna ospatuko dute Oñatin.
Duela 40 urte, 1978ko uztailaren 8an, poliziak Germán Rodríguez gaztea hil zuen tiroz Iruñeko zezen plazatik gertu. Omenaldi moduan, hainbat artistaren kantak bildu dituen SF 78 gogoan! lana plazaratu du Gor diskoetxeak.
Martxoaren 22an 18:00etan Kursaalaren aurrean hasiko den manifestazioa deitu dute Espainiako Poliziek eta Guardia Zibilek Ertzaintzaren eta Esquadra Mossoen soldata bera edukitzea eskatzeko.
