ETAk su-eten iraunkorra aldarrikatu du
Euskadi Ta Askatasunak (ETA) gaur goizean mezu batean jakinarazi duenez, su-eten iraunkorra aldarrikatzea erabaki du. Su-etena ostiralean (24) jarriko da indarrean. Zabaldutako agirian, berak egindako urratsaren "neurri bereko erantzukizunarekin jokatzeko deia" egin die ETAk eragile guztiei.
Erreakzioak:
- Maria San Gil (Euskadiko PPko presidentea): "Zapaterok Moncloan jarraitzea behar du ETAk. Asko dira PSOEk ETAri eta Batasunari emandakoak eta erakunde armatuak zerbait egin behar zuen (...) Atzera begiratu behar da eta ETAk azken 30 urteotan egindakoak gogoan izan behar ditugu. Talde terroristari hiltzeko uztea eskatzeaz gain, barkamena eskatzea eta justiziaren esku geratzea eskatu beharko genioke". (Eitb24.com)
- Peio Etxeberri-Aintzart (Abertzaleen Batasuna): "Su-etena hasiera da baina ez da bakea lortu (...) Lan asko dago egiteke (...) Alderdiek negoziatu egin behar dute (...) Konponbidea Gasteizko, Madrilgo eta Parisko Gobernuen aldetik etorriko da". (Eitb24.com)
- Juan Jose Ibarretxe (Eusko Jaurlaritzako lehendakaria): "(Alderdi guztiekin) lehen harremanak izan ditugu, bazterketarik gabeko elkarrizketaren egutegia, oinarriak, metodologia eta edukiez hitz egiteko (...) (ETAri) eskatzen diot gizartearen baikortasuna ez zapuzteko (...) Prozesua zaila eta konplexua izango da".
(Berria)
- Gerry Adams (Sinn Fein alderdiko burua): "Su-etenak abagune historikoa eskaintzen du (...) Aprobetxa ezazue aukera hau eta egin ahal duzuen guztia aurrerapauso politikoak errealitate bilakatzeko (...) Aurrera joateko gakoa eztabaida prozesu integratzailea abiatzea da. Bertan, parte-hartzaile guztiak berdintasunez tratatu behar dira". (El Mundo)
- José Luis Rodriguez Zapatero (Espainiako Gobernuko presidentea): "Hainbeste urte izugarriren ostean, bake prozesu oro luze eta zaila izango da (...) Gobernuaren desioa alderdi politiko guztiekin lan egitea da, batez ere biktimen oroimena aintzat hartuz". (El País)
- Mariano Rajoy (PPko presidentea): "Ezin daiteke politikoki negoziatu, ez inolako prezio politikorik ordaindu, horrela gertatuz gero terroristek irabaziko luketelako". (El País)
- Imanol Murua (kazetaria): "Bada alderik, Lizarra-Garazi Itunaren garaiko su-etenaren agiritik (1998ko irailak 18). Halaxe zioen bukaeran, orduko adierazpenak: 'Jakinarazi nahi dugu une honetatik aurrerako gertakizun eta urratsek aginduko dutela etenaldi horren behinbetirakotasuna'. Gaurko agiriak ez dio halakorik. Ez dago beraz tutelajerako asmo aitorturik. Beste kontu bat da ETAk bere buruari zer funtzio ematen dion benetan, baina agirian, berariaz, erakunde armatuak ez du zaindari lanik hartzen. Espainiako Kongresuaren ebazpenarekin uztargarria da erabat". (Mahai jokoan)
Lotura interesgarriak:
ETAren bideoa su-etena aldarrikatuz (Berria)
ETAren audioa su-etena aldarrikatzeko (EiTB)
Animazioa: ETAren atentatuak 1999az geroztik (El País)
Erlazionatutako dokumentuak:
Eskatutako kafea zerbitzatu zain nago tabernan, telebistan baleen inguruko dokumentala: “Arrak borrokan ari dira emea nork estaliko, borroka gordina eta arriskutsua, irabazle bakarra izango duena”. Soinu banda epikoak indartzen du ustezko gudaren intentsitatea... [+]
Langileek azaldu diote Aiaraldea Komunikabideari enpresaren proposamena ez dela konponbidea eta, horren ondorioz, hirugarren greba egunari eutsiko diote.
Lurraren historian espezie askok komunikazio konplexuak garatu dituzte, baina gutxik dute erleen dantzaren pareko kode sofistikatua. Erle langileek elikagai-iturrien kokapena adierazteko erabiltzen duten dantza ez da soilik naturaren mirari bat, baita zientziaren begietatik... [+]
Askorentzat uda soinuaren egilea da hegazti hori eta, seguruenik, hau dela eta mila izen ditu Euskal Herrian. Hauetako batzuek bere ‘txrriiii-txrrriiii-txrriii’ kantu deigarriari egiten diote erreferentzia: txirritxori, zirringilo, irrigo edo kirrilo, adibidez. Beste... [+]
Natura aspaldi deuseztatu genuen. Hori da gure kultura, natura deuseztatzea. Oinarrian, nekazaritzaren kultura, goldearen kultura, kultibatzea, berezko natura deuseztatzea da. Guk nahi ditugun mozkinak eta etekinak jezteko moduko “natura” dugu gurean.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Datorren ikasturtetik aurrera, euskaltegietan A2 mailan matrikulatzen direnek orain arte bezala 310 euro ordaindu beharrean, 70 euro ordainduko dituzte. Maila gaindituz gero, ordaindutakoa itzuliko zaie ikasleei.
Kuartela herrixantzat lelopean indar okupatzaileek Euskal Herritik irten behar dutela aldarrikatzen du Fan Hemendik taldeak.
Rafah-ra doan nazioarteko martxarekin bat eginez, Gasteizen mobilizatzera deitu du plataformak, baita ikasgeletan ere. Palestinar haurrekiko elkartasun argazkiak ateratzeko eskatu du.
Aieteko Nazioarteko Bake Konferentzia 2011n egin zen Donostian eta ondoren sortu zen Bake Bideak, Ipar Euskal Herritik bake prozesua sustatzeko. Bakegileen zeregina ETA armagabetzeko ekinbide zibila antolatzea izan zen. Orain, desegingo direla iragarri dute bi ekimenek.
Espetxeetako funtzionarioek lanuzte partzial bat egingo dute ekainaren 9tik 15era bitartean.