Espainiako Gobernuak mugikorreko aplikazioaren bidez kontrolatu ahalko ditu herritarrak adierazitako tokian daudela

  • Espainiako Osasun sailaren mugikorretarako aplikazioak erabiltzaileen geolokalizazioaren berri emango du. Osasun sailaren arabera, "soilik frogatzeko berak aitortutako autonomia erkidegoan dagoela". Baina datu horiek gurutzatuz mugikortasun ikerketa egingo dute, aztertzeko zer mugimendu egin zituzten "konfinamenduaren aurreko egunetan eta konfinamenduak iraun bitartean".


2020ko apirilaren 06an - 07:37

Espainiako Osasun ministroak, Salvador Illa Rocak, enkargua egin dio Adimen Aritifizialeko eta Digitalizazioko Estatu Idazkaritzari "berehala garatu dezan aplikazio informatiko bat COVID-19ak eragindako osasun krisia kudeatzen lagunduko duena". Agindu hau martxoaren 28ko Espainiako Buletin Ofizialean (BOE) dago publiko egina.

Geolokalizazioaren informazioa emango dio estatuari mugikortasun ikerketa egiteko

BOEko Aginduaren arabera, "aplikazio honek aukera emango du erabiltzaileak geolokalizatzeko, soilik frogatzeko berak aitortutako autonomia erkidegoan dagoela". Baina ondoren eskatzen dio berriz ere Adimen Aritifizialeko eta Digitalizazioko Estatu Idazkaritzari, mugikorren datuak gurutzatuz mugikortasun ikerketa egin dezala, aztertzeko pertsonek egin zituzten mugimenduak "konfinamenduaren aurreko egunetan eta konfinamenduak iraun bitartean". BOEko dokumentuak dio mugikorretako datu hauek "anonimo bihurtuta" egingo direla.

Aplikazioa garatzen ariko dira eta auzitegietan errekurtsoa jartzeko aukera dago

Aginduak dio berau BOEn argitaratu orduko sartzen dela indarrean, beraz, martxoaren 28tik ariko da Adimen Aritifizialeko eta Digitalizazioko Estatu Idazkaritza geolokalizazioa kontrolatzeko aukera ematen duen mugikorren aplikazioa garatzen. Agindu honen aurka bi hilabeteko epean errekurtsoa jarri daitekem Auzitegi Goreneko gai administratiboetarako salan.

Mezu pertsonalizatuentzat atea zabalik?

Whatsapp bidez elkarrizketak izateko garapena ere egitea eskatu du Osasun sailak, "herritarren galderei informazio ofizialarekin erantzuteko". Eta baita ere dio BOEn argitaratutako aginduak, "aplikazioak izan ditzakeela bere edukien artean hirugarrenek kudeatutako webguneetara loturak, horrela dauden zerbitzuetara sarbidea izan dezaten erabiltzaileek".

Webgune indartsuenek beren informazioa erabiltzaileaz dituzten datuen arabera moldatzeko gaitasuna dutela jakinik, herritarrari galdera sortzen zaio geolokalizazioak emandako informazioaren arabera mezu pertsonalizatuak jasoko dituen bai Osasun sailetik, bai hirugarrenek kudeatutako webguneetatik ere.

Aplikazioaren erabilgarritasuna herritarrengan: ez du ordezkatuko medikua

Aplikazio honek herritarrei ekarriko dizkien onurak zerrendatuz hasten da Agindua: erabiltzaileari autoebaluazioa egiten lagunduko dio berak adierazten dituen sintomen gainean, eta adieraziko dio zein probabilitate duen COVID-19ak kutsatuta egoteko. Koronabirusari buruzko informazioa emango dio eta aholku praktikoak emango dizkio, egindako ebaluazioaren arabera gehien komeni zaizkionenak.

Argi dio Aginduak, ordea: "Aplikazioa ez da berez diagnostiko mediku bat, ez urgentziazko arreta eskaintzen duena, ez botika tratamenduak errezetatu ditzakeena. Aplikazioa erabiltzeak ez du ordezkatuko inongo kasuetan kualifikatutako osasun profesionalaren kontsulta".

Herritarrari sortzen zaion galdera da dagoeneko erakunde publikoen webguneetan eskura dauden informazioez gain aparteko zer beste aukera ematen ote dion aplikazio honek. Ez ote duen jauzirik handiena mugikortasun ikerketa horretan ekartzen, erabiltzaileen zerbitzuari egiten dion ekarpenean baino.

 


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude