Frackinga debekatzen duen Kantabriako legea, bertan behera
Konstituzio Auzitegiak aintzat hartu du Espainiako Gobernuak jarritako helegitea, eta balio gabe utzi du Kantabrian haustura hidraulikoa erabiltzea galarazten duen legea. Oso litekeena da laster gauza bera gertatzea frackinga debekatzen duten Nafarroako legearekin, horren aurkako helegitea ere aurkeztua baitu Madrilek.
aurre egingo dieten hedabide independenteak
Bizitza laburra izan du Kantabriako legeak. Iazko apirilean jarri zen indarrean, baina aurtengo urtarrilean Madrilgo Gobernuak helegitea jarri zion, eta otsailaren 11n Konstituzio Auzitegiak aintzat hartu zuen helegite hori. Une horretan, legea behin-behineko indargabetze aldian sartu zen, Auzitegiak ebatzi bitartean. Azpimarratzekoa da afera honek liskarrak eragin dituela PPren barruan, Kantabrian popularren ordezkariak izan baitira debekuaren sustatzaile nagusiak, estatu mailan alderdiak duen diskurtsoari oldarturik.
Azkenik, Madrilek irabazi du dema. Kontrakorik ez zen espero, bestalde. Konstituzio Auzitegiak ontzat eman ditu Espainiako Gobernuaren argudio nagusiak: erkidego batek bere kasa haustura hidraulikoa debekatzea estatuaren eskumenak bere gain hartzearen parekoa da, eta hori debekatuta dago espainiar legedian. Izan ere, 2013an aldatu zen Hidrokarburoen Legea, besteak beste Nafarroakoa, Kantabriakoa eta Errioxakoa bezalako arau debekatzaileak baliogabetu ahal izateko. Gauzak honela, udazkenean Eusko Legebiltzarrean (seguruenik) eztabaidatuko den frackingaren debeku proposamenaren etorkizuna igartzea ez da zaila.
"Epai honen ondorioak saihestu daitezke, borondate politikoa egotekotan"
Hain zuzen ere, EAEn era horretako lege bat onar dadin Herri Ekimen Legegile (HEL) bat aurrera daraman Fracking Ez plataformak balorazio-oharra plazaratu du Konstituzio Auzitegiaren ebazpena ezagutu eta ordu gutxira. Adierazi dutenez, ezin da ukatu "epaiak arriskuan jartzen dituela frackingaren kontra onartu diren beste lege guztiak, baita Herri Ekimen Legegilearen bitartez Euskal Autonomi Erkidegoan proposatzen ari dena ere". Dena den, HELa inoiz baino ekimen biziagoa dela uste dute Fracking Ez-ekoek, teknika horren aurkako jarrera publikoki adierazteko tresna egokia den heinean.
Bestalde, nabarmendu dute epaia mehatxua dela HELak gaur egun proposatzen duen testu zehatzerako, baina horrek ez dizkiela ate guztiak ixten. "Behin ekimena Legebiltzarrean aurkezten denean eta tramitera onartzen denean, horretarako borondate politikoa egotekotan, legeak dioena aldatu daiteke epaiak dituen ondorioak saihesteko eta Autonomi Erkidegoa zulatze planen aurrean babesteko", azaldu dute.
Azkenik, tamalgarritzat jo dute Espainiako Konstituzio Auzitegiak hain denbora laburrean eta "eskrupulu gutxiko enpresekin bat egiten duen gobernuari jarraiki" hartutako erabakia. Eta gogorarazi dute Eusko Jaurlaritzak, legeak lege, bere esku duela EAEn haustura hidrauliko bidezko proiektu guztiak bertan behera uztea, erkidego horretako zulatze-baimen guztiak SHESA enpresa publikoak eskatu baititu.
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko... [+]
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.