Espainiako Gobernuaren Ordezkaritzak Sareren mobilizazioaren zati bat debekatu izana salatu dute

  • Sarek salatu duenez Atarrabiatik eta Etxebakoitzetik irten behar ziren adarrak debekatuak izan dira, eta horrez gain, mobilizazioaren hasiera lekua ere aldatu behar izan dute.


2022ko ekainaren 16an - 11:43

Maiatzaren 3an egin zuen deialdia Sarek ekainaren 18an Iruñean egingo den manifestaziorako. Mobilizazioan lau adar Antoniutti parkean elkartzekoak ziren, eta bertatik irten behar zen manifestazioa. Espainiako Gobernuaren Ordezkaritzak ordea, ekimena baino bi egun lehenago jakinarazi dio taldeari bi adar debekatu dizkiola. Hasieran manifestazioa beste leku batetik hasi beharko zutela esan zien Espainiar Gobernuak; Antoniuttin ezin zela hasi, alegia.

Mobilizazioa, mantendurik

Sarek ordea ez du mobilizazioa bertan behera utzi eta beste bi adarrei helduz hasiko dute mobilizazioa. 17:00etan irtengo dira bi adarrak, lehena Ipar bidekoa –Decathlonetik– eta bigarrena Hego bidekoa –Cordovilla poligonotik–. 18:00etan elkartuko dira Intsumisio parkean eta bertatik hasiko da manifestazioa.

Bertan parte hartzeko deialdia luzatu die Sarek herritar guztiei.


Kanal honetatik interesatuko zaizu: Sare plataforma
2024-01-15 | ARGIA
Espetxe politikan salbuespeneko arauak desagertzeko exijitu dute 68.000 lagunek Bilbon

Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]


Konponbideari ateak irekitzeko giltzak

Eragile sozial, politiko, sindikal eta norbanako ugarik bat egin dute Sare Herritarrarekin, euskal preso politikoek jasaten duten eskubide urraketari amaiera emateko. Urtarrilaren 13an Bilboko kaleak hartzera deitu dute.


Eguneraketa berriak daude