Espainiako Gobernuak ez ditu harremanak apurtu Elbit Systems armagintza-enpresa sionistarekin
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek markak hautsi ditu: 1.717,5 milioi dolarreko irabazi gordinak izan ditu aurtengo hirugarren hiruhilekoan.
Elbit Systems armagintza-enpresa da Israelgo Estatuko ekoizlerik garrantzitsuenetarikoa. Azken urtean, Gazako Zerrendako nahiz Libanoko sarraskiekin batera, inoiz baino irabazi handiagoak pilatu ditu enpresa sionistak: 1.717,5 milioi dolarreko irabazi gordinak, 2024ko hirugarren hiruhilekoan bakarrik. Iazko epe berdinean baino 216 milioi dolar gehiago dira. Gainera, enpresako buru Bezhalel Machlisek, Israelgo Defentsa Indarretako (IDF) artilleria-ofizial ohiak, azaldu du etorkizun oparoa duela korporazioak: "Enpresaren eskabide-zorroa 22.000 milioi dolar baino gehiagoko zifra errekorrera iritsi da".
Sionistek gutxienez 44.000 palestinar erail dituzte iazko urritik Gazako Zerrendan, eta horri esker bere negozioa areagotu du Elbit Systemsek. Lurreko armen sektorean, %24 igo dira bere irabaziak urteko hirugarren hiruhilekoan, "Israeli saldutako munizioen salmentaren igoerari esker". Aireko sektoreari dagokionez, %7 gehiago irabazi du hiruhileko berean, iazko epe berdinarekin alderatuta. Antza, tripulaziorik gabeko aire-ibilgailuen salmentari esker lortu du hori.
Enpresa sionistak argi adierazi du: "liskarrak hasi zirenetik, nabarmen handitu da Elbit Systemsek produktuetan eta soluzioetan izandako eskaria, Israelgo Defentsa Ministerioaren partetik"; eta nabarmena izan da irabazien igoera, "gerraren aurreko eskariarekin alderatuta". Etekinek, gainera, ez dute behera egingo. Machlisek berak hamar urterako kontratu bat sinatu zuen Israelgo Defentsa Ministerioarekin, 340 milioi dolarreko balioa duena.
Espainiako Gobernuak ez ditu bere kontratuak bertan behera utzi
Espainiako Defentsa Ministerioa da, antza denez, Elbit Systems modu sarrienean kontratatzen duenetariko bat. Público egunkariaren arabera, 2024an, 6 milioi euro baino gehiagoko esleipen publikoak jaso ditu enpresa sionistak, Espainiako Estatuaren partetik. Margarita Robles Defentsa ministroak dio, iazko urriaren 7tik, ez diotela Israelgo Estatuari armarik saldu edo erosi. Baina ez dituzte moztu sionistekin indarrean zituzten kontratuak, tartean, Elbis Sytems enpresarekin sinatutakoak, material militarra lortzeko. Roblesek onartu du ez dituztela harremanak hautsiko konpainiarekin.
Espainiako Estatua ez da, hala ere, Elbit Systems armagintza-enpresarekin harremanak dituen gobernu bakarra. Berriki argitaratutako txosten batek dioenez, 335 milioi dolarreko kontratu bat sinatu du "Europako herrialde bat defentsa-sistemekin hornitzeko". Herrialde hori zein den, ordea, ez da zehazten txostenean. Suziri-jaurtitzaileak, suziriak eta tripulaziorik gabeko aire-ibilgailuak saltzen ditu enpresa sionistak, besteak beste.
Munduarenak ere egin du, sinbolo bat delako aspaldi, zeren eta historian lehenago ere egin dira genozidioak eta egingo dira gehiago (zorte txarra, aizu, han jaiotzea egokitu zaizu), baina Palestinarenak ezaugarri bereziak ditu:
- Aspaldikoa da, XIX. mendearen hondarrean... [+]
Ehunka pertsona mobilizatu dira ostiralean Santutxun ireki berri dutenMcDonald’s jatetxearen itxiera eskatzeko. Enpresa amerikarraren aurkako boikot kanpainan aktiboki parte hartzea eskatu du mobilizazioa deitu duen Bilbo-Palestina herri ekimenak.
Abenduaren 13an mobilizazioa antolatu dute Santutxun (Bilbo), enpresa amerikarra palestinarren aurkako genozidioaren parte dela salatzeko. Auzoko kideek azpimarratu dute ez dutela nahi auzoan sarraskiari sostengua ematen dion enpresa multinazionalik.
Gabonetan “mahaian sionistarik ez esertzeko” galdegin du taldeak. Boikotaren eraginez, supermerkatu kate frantziarrak behera egin du salmentetan, eta berriki Jordanian saltokiak itxi ditu.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelek gosea erabiltzen du palestinarren aurkako gerra-arma gisa, eta nekazaritza-produktuak mundu osoan merkaturatzen ditu.<
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Herriko supermerkatuetan salgai dituzten produktu eta saltokiei eskatu diete Israelen ekoitzitako produktuak saltzeari uztea: Arrasateko Eroskik eta Alcampok eskaria onartu dute; Lidl eta BMk ez. Elkarretaratzea egingo dute ostiral honetan Lidl supermerkatu aurrean.
Asteburuan Espainiako Estatuko hiri ugaritan egindako mobilizazioen harira, Israelgo Atzerri Gaietarako Ministerioak eta Israelen Espainiako Enbaxadak "terrorismoa goraipatzea" egotzi diote Espainiari.
Israelgo armadak bortizki egin du eraso igandetik astelehenerako gauean, Hamasen urriaren 7ko erasoaldiaren urtemugarekin bat eginez. Libanoko Beirut hiriburuaren hegoaldea bonbardatu du, eta Gaza erdiguneko beste ospitale bat ere bai.
"Kanporatuko al du FIFAk Israel?", galdegin du hainbat mediok, futbol erakunde gorenak adierazi ostean Palestinako Federazioak egindako eskaera aztertuko duela. FIFAren izaera ezagututa, are gehiago eskaeraren bueltan zein epel jokatzen ari den, inplikatutako bi aldeak... [+]
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.