Espainiako Defentsa ministroak ez du azalpenik eman behar izango Zabalza kasuaz
EH Bildu alderdiak salatu duenez, Espainiako Kongresuko Mahaiak atzera bota du Defentsa ministroak azalpenak emateko egindako bere eskaria, "aurreko legegintzaldi bateko jokabideak baloratzea" litzatekeelako, honen ustez.
Margarita Robles Espainiako Gobernuko Denfentsa ministroak ez du azalpenik eman behar izango 1985ean Guardia Zibilen eskuetan hildako Mikel Zabalza orbaiztarraren kasuaren inguruan. Berriki zabaldutako audio batek torturaturik hil zela frogatzen du, Pedro Gómez Nieto Guardia Zibileko kapitaina entzuten baita, Luis Alberto Perote CESIDeko koronelari azaltzen nola torturatu zuten Donostiako Intxaurrondoko koartelean.
EH Bilduk egitasmoa aurkeztu du Espainiako Kongresuko Mahaian, Defentsa ministroak argitu dezan Perote koronelaren inplikazioa heriotza horretan; baina salatu duenez, mahaiak atzera bota du bere eskaria: "Aurreko legegintzaldi bateko Gobernu baten jardueren balorazioa da eskatzen dena. Espainiako Gobernuaren eskumenetik kanpoko gaiei buruzkoa izango litzateke", argudiatu du legebiltzar espainiarreko organoak.
Koalizio abertzalearentzat "larria" da erabaki hori, "milaka euskal herritarrek jasandako tortura sistematikoaren aurrean, 78ko erregimena blindatzea eta zigorgabe mantentzea" suposatzen duelako. Are gehiago, ekimenari "betoa" jartzeak agerian uzten du "Espainiako Estatuko botere-egituren isiltasuna eta inpunitatea".
EH Bilduk gogorarazi du Eusko Jaurlaritzaren aginduz egindako ikerketa batek 1960 eta 2014 artean 4.200 tortura kasu identifikatu dituela.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
.jpg)
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]