Espainiako Auzitegi Nazionalak hirugarren gradua baliogabetu dio Asier Karrera euskal preso politikoari
Asier Karrera Arenza presoa Martuteneko espetxera itzuli da, urrian onartu zioten hirugarren gradua baliogabetu baitu Espainiako Auzitegi Nazionalak. Hainbat dira azken hilabeteetan gradu-erregresioa bizi izan duten presoak. Berriki Espainiako Auzitegi Gorenak emandako ebazpen baten arabera, gainera, preso bati esleitutako hirugarren graduari Fiskaltzak helegitea jartzen badio, presoek espetxean itxaron beharko dute ebazpena ezagutu artean.
aurre egingo dieten hedabide independenteak
Asier Karrera Arenza etxarriar presoa Martuteneko espetxera itzuli da, Espainiako Auzitegi Nazionaleko Espetxe Zaintzako Epaitegi Zentralak bigarren gradura itzularaz dadila erabaki baitu. Karrera hirugarren graduan zegoen urriaz geroztik, Martuteneko espetxeko tratamendu batzordeak hala proposatuta eta Eusko Jaurlaritzako Justizia Sailaren onespenarekin. Alabaina, Espainiako Auzitegi Nazionalean hartutako erabakiak gradu-erregresioa agindu du presoarentzat. Etxerat-ek jakinarazi duenez, Karrerak 23 urte daramatza preso, eta aurten beteko ditu zigorraren hiru laurdenak.
Karrera ez da espetxe graduari dagokionez erregresioa pairatu duen preso bakarra. Azkenaldian, hainbat izan dira hirugarren gradutik bigarrenera itzularazi dituzten euskal preso politikoak. Urtarrilaren 31n jakinarazi genuen Roberto Lebrero gasteiztarra Espainiako Auzitegi Nazionalak zer ebatsiko zain zegoela, uztailean onartu zioten hirugarren gradutik bigarrenera itzul zitekeelako. Egun gutxi aurretik espetxeratu zuten berriz Asier Rodríguez preso santurtziarra, hirugarren gradua esleituta kalera atera ondotik. Iazko urtean, egoera berean egon ondotik, bigarren gradura itzularaziak izan ziren Xabier Atrisitain, Mikel San Argimiro, Aitor Esnaola, Joseba Arregi, Gorka Martinez, Iñaki Bilbao, Jon Crespo eta Iñigo Gutierrez presoak. Egoera beretik pasa zen Unai Fano 2021ean.
Fiskaltzaren helegiteak, hirugarren gradurako oztopo
Espetxe graduari dagokionez erregresioa bizi izan duten presoen zerrenda Fiskaltzak hartutako posizionamenduari dagokio. 2022ko otsailean espetxeetako tratamendu batzordeek hainbat euskal presori hirugarren gradua onartzen hasi zirenetik dozenaka helegite aurkeztu ditu, eta lortu du helegiteak aurkezte hutsarekin presoei kalera ateratzea eragoztea. Oraintsu arte, hirugarren gradura pasatako presoak kalera atera zitezkeen, eta Fiskaltzak jarritako helegitea ebatzi bitartean, ez ziren espetxera itzuli behar. Espainiako Auzitegi Gorenak emandako epai batek, ordea, aldatu egin du prozedura: aurrerantzean hirugarren graduaren aurkako helegitea aurkezte hutsak eragotzi egingo die presoei kalean egotea, errekurtsoa ebatzi bitartean.
Prozeduran jazotako aldaketa Fiskaltzak bultzatua izan da, magistratuak bultzatu baititu erabakitzera hirugarren graduak esleitzeko fiskalak jarritako helegiteak ebatzi arte itxaron beharra dagoen ala ez. Zentzu horretan Fiskaltzak abiatutakoa bidea "bataila" gisa izendatu zuen abenduaren 12an La Razón egunkariak.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]