Eskuin muturraren eta poliziaren biolentzia dokumentatzea eragotzi nahi dio Espainiak Nafarroari

  • Espainiako Gobernuaren Nafarroako ordezkaritzak helegitea jarri du eskuin muturreko taldeen eta funtzionario publikoen indarkeria-kasuak dokumentatzeko foru-agindu baten kontra.


2018ko urtarrilaren 31n - 09:13
Jurramendiko gertakariak 1976an. Mota honetako biolentzia kasuak ikertzearen kontra egin du Espainiako Gobernuak.

30.000 euro bideratu behar ziren Nafarroan, motibazio politikoko giza-eskubideen urratzeak ikertzeko. Deialdira hiru proiektu aurkeztu ziren, Nafarroako Unibertsitate Publikoko bi eta Euskal Herriko Unibertsitateko beste bat, zeinari 17.900 euro esleitu zitzaizkion.

Bada, Espainiako Gobernuaren Nafarroako ordezkaritzak informatu duenez, helegitea jarri dute Nafarroako Justizia Auzitegi Gorenean foru-agindu horren kontra.

“Gobernuak uste du foru-exekutiboak, laguntza-deialdi hau argitaratuz, Auzitegi Konstituzionalaren ebazpena urratu duela”, azaldu du Espainiako Gobernuaren ordezkaritzak.

Aipatzen duen ebazpen judizialak bertan behera utzi zuen eskuin muturreko taldeek eta funtzionario publikoek egindako ekintzen biktimak aitortzeko Nafarroak prestatu zuen legea. Madrilgo ordezkariek uste dute, diruz lagundu nahi zen ikerketa honekin txosten bat egin nahi zela, hain zuzen Espainiako Auzitegi Konstituzionalak egitea eragotzi zuena.

Txostena egiteko laguntza jaso zuen taldea Kriminologiaren Euskal Institutua da, Paco Etxeberria forentse ezaguna kide duen erakundea alegia. Talde berak iazko abenduan aurkeztu zuen Araba, Bizkaia eta Gipuzkoan izandako tortura kasuei buruzko txostena, 1960tik 2004rainoko kasuak jasotzen zituena.

“Batzuetan debrua balitz bezala aurkeztu nahi izan dute Kriminologiaren Euskal Institutua”, azaldu du Ana Ollo Nafarroako Gobernuko ordezkariak.


Kanal honetatik interesatuko zaizu: Estatuen biktimak
Ibai Azkona: “Nire torturen aitortza aurrerapauso txiki bat da, baina oraindik ehundaka tortura kasu daude aitortu gabe”

2008an Fernando Grande Marlaska epailearen aginduz atxilotu zutenean Ibai Azkonak pairatu zituen torturak aitortu ditu Nafarroako Gobernuak. Euskalerria Irratian, pauso honek suposatzen duena azaldu du Azkonak.


Iturbide, Jiménez eta Azkona estatuaren biktima gisa aitortu ditu Nafarroako Gobernuak

Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.


Nafarroako Gobernuak biktima gisa onartu du poliziak ke pote batez zauritutako Mikel Iribarren

1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.


‘Naparra’ omendu dute Lizartzan eta desagertu zenetik 44 urte igaro direla oroitarazi

Jose Miguel Etxeberria Naparra 1980ko ekainaren 11n ikusi zuten azken aldiz Ziburun eta bere heriotzaren nondik norakoak ez dira argitu gaur arte. Lizartzako Igarolabekoa baserrian egin diote oroimen ekitaldia eta desagerpena argitzea eskatu du familiak aurten ere.


2024-05-31 | ARGIA
Nafarroako Gobernuak lehen aldiz Poliziaren eta eskuin muturraren biktima politikoak aitortu ditu

Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.


Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".


Estatuaren indarkeriaren biktimei aitortza ekitaldia eginen die Nafarroako foru gobernuak

Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.


Estatuaren edo eskuin muturreko taldeen lehen hamabi biktima onartu ditu Nafarroako Gobernuak

Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.


Estatuaren biolentziaren 41 biktima onartze bidean da Nafarroako Gobernua

Asteazken honetan prozesu horren berri eman du Martin Zabalza motibazio politikoko Biktimen Aitortzarako eta Erreparaziorako Batzordeko lehendakariak. Ostegunean, Egiari Zor Fundazioak eta Nafarroako Torturatuen elkarteak pauso garrantzitsua dela adierazi dute Iruñean... [+]


2024-01-24 | Ahotsa.info
Nafarroako Auzitegiak atzera bota du 1978ko Sanferminetako gertaeretako helegitea eta elkarteak berriro aurkeztuko du kereila

Sanfermines-78: gogoan! elkarteak, German Rodriguezen ahaideek, 1978ko sanferminetako gertaeretan larriki zauritutako pertsonak eta Iruñeko Peñen Federazioak 2019ko urtarrilean kereila bat paratu zuten 1978ko sanferminetan, Iruñean, jazotako poliziaren... [+]


Torturatu eta hil zituztenetik 40 urtera, Zabala eta Lasa ez dituzte oraindik terrorismoaren biktimatzat hartu

Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.


2023-09-26 | Axier Lopez
Xabier Kalparsororen hilketa argitzen laguntzeko egitasmo herritarra aurkeztu dute

Gaur 30 urte Espainiako Poliziaren eskuetan hil zen Xabier Kalparsoro Golmaio militante zumaiarra. Anuk.eus webgunea zabaltzearekin batera ekitaldia egingo dute gaur, irailak 26 . Ekimena bultzatu duen Hegiak elkarteak dioenez, urteak beste zalantza daude Anuken heriotza... [+]


Pasaiako segadan hildakoen oroigarriari eraso egin diotela salatu dute

Egiari Zor Fundazioak jakinarazi duenez, Donibaneko oroitzeko gunean pintura hori eta gorria bota dute ezezagun batzuek.


EHUko txostena Pasaiako segadaz
“Judizioz kanpoko exekuzio baten antza du”

Joan den martxoaren 22an 39 urte bete ziren Pasaiako badiako hilketatik. “Sarraski” hitza ere baliatu izan da 1984ko hartan gertatua adierazteko. Segadan hildako baten anaia elkarrizketatu zuen ARGIAk duela gutxi, Pello Aizpuru Arbelaitz, eta honek hainbat argibide... [+]


Eguneraketa berriak daude