“Eskuak ez dira txalotzeko soilik. Balkoietatik jaisteko garaia iritsi da”
Larunbatean, 12:00etan, elkarretaratzea antolatu du TOPA plataformak Tolosako Trianguloan. "Heroiak" ez dituztela nahi azaldu dute, beste eskualdeetako baldintza berak baizik. Alderdi politikoei, euren jarrerak publiko egitea eskatu die.
Tolosaldea Osasun Publikoaren Aldeko plataformak kalera irteteko deia egin du ekainaren 20an. Elkarretaratzea egingo dute Trianguloan, 12:00etan. Leloa ondorengoa izango da: Eskuak ez dira txalotzeko soilik. Balkoietatik jaisteko garaia iritsi da.
Gaur, prentsaurrekoa egin dute larunbateko deialdiaren berri emateko eta eskualdea "zer nolako egoeran" dagoen gogora ekartzeko.
Azken 35 urte hauetan, Tolosaldea, ospitale publiko bat eraiki ez den eskualde bakarra dela esan dute. Horrez gain, "urtean 12 milioi euro gutxiago jaso dituen eskualdea delako gure hau, Asuncion Klinikarekin sinatutako hitzarmen bat tarteko" azaldu dute TOPA-tik. "Beraz, 9 urteko hitzarmenaren ondoren guztira 108 milioi gutxiago jaso ditugu".
Plataformaren arabera, egoera larri hau beste batek larriagotzen du: "Klinikako espezialisten %50 inguru ez dira espezialista homologatuak, mediku orokorrak baizik, baina espezialisten lana egiten dute. Adibidez, Traumatologia Zerbitzuan, 7 medikutatik batek besterik ez dauka espezialitate hori homologoatua".
TOPAk salatu duenez, horrek erakusten du eskualdean jasotzen den arretaren kalitatea okerragoa dela beste eskualdeetan jasotzen dena baino: "Horrelaxe aitortu zuten lehen aldiz Tolosako Udalbatzako alderdi politikoetako ordezkari guztiek martxoaren 5eko osoko bilkuran".
Euren aldarrikapenak berresteko garaia dela uste dute: "Tolosalderako eskualdeko ospitale publiko bat; espezialitateen anbulatorio bat, guztiz hornitua eta gainerako eskualdeen antzeko finantziazioa".
Heroiak baino beste osasun profesionalen antzeko lan eta baliabide baldintzak dituzten profesionalak nahi dituzte eskualdean, hau da, "profesional homologatuak eta behar bezala prestatuak".
Azkenik, osasun publikoaren aldeko plataformatik alderdi politikoei luzatu die deia: "Argi eta garbi adieraz dezatela zer osasun politika ezarriko duten datozen urteetan, eta beren jarrera publikoki defendatzera gonbidatzen ditugu, horrela, herritarrek hauteskundeak baino lehen jakin dezaten zer proposamen dituzten Tolosaldean osasun arreta hotzeko".
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Plataformak jakinarazi du Bidasoako ospitalean zerbitzua maiatzean itxi zenetik, Donostiako ospitalean ez direla "arreta egokia" ematen ari, kontsulta asko bertan behera uzten ari baitira "alternatibarik gabe". Maiatzean ESK sindikatuak salatu zuen larrialdi... [+]
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Sindikatuak salatu du apiriletik ez dela haurrik artatzen larrialdietan. Ohartarazi du “aspalditik” ari direla zerbitzuak gutxitzen, ez bakarrik pediatrian. Maiatzaren 16an, 14:00etan, kontzentrazioa egingo dute ospitaleko sarreran.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra"... [+]
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]